บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 50 : PALI ROMAN Apa.A.2 (visuddha.2) Page 143.
Pataliti voharo, pattanam haritataya haritam nilavannam patalibodhim disvati attho. Sesam sabbattha uttanatthamevati. Tipupphiyattherapadanavannana nitthita. -------------- 99. 7. Madhupindikattherapadanavannana vivane 1- kanane disvatiadikam ayasmato madhupindikattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto siddhatthassa bhagavato kale nesadayoniyam nibbatto mahaaranne pativasati. Tada vivekabhiratiya sampattam siddhattham bhagavantam disva samadhito vutthitassa tassa sumadhuram madhum adasi. Tattha ca pasannamanaso vanditva pakkami. So teneva punnena sampattim anubhavanto devamanussesu samsaritva imasmim buddhuppade kulagehe nibbatto vuddhippatto satthari pasiditva pabbajito nacirasseva araha ahosi. [37] So aparabhage attano pubbakammam saritva somanassajato pubbacaritapadanam pakasento vivane kanane disvatiadimaha. Tattha vivaneti visesena vanam patthatam vivanam hatthiassarathasaddehi bherisaddehi ca vatthukamakilesakamehi ca vigatam byapagatanti attho, kananasankhate mahaaranne vivaneti sambandho. Osadhimva 2- virocantanti 3- bhavavaddhakijananam icchiticchitam nipphadetiti osadham. Ojanibbattikaranam paticca yaya tarakaya uggataya ganhantiti sa osadhi. 3- Osadhitaraka iva virocantiti vattabbe gathabandhasukhattham uddharanti "osadhimva virocantan"ti ca vuttam. Sesam sabbattha uttanamevati. Madhupindikattherapadanavannana nitthita. ------------ @Footnote: 1 pali. vipine. 2 pali. osadhiva. @3-3 Si. abhivaddhati jotanam icchiticchitam nipphadetiti osadhi.The Pali Atthakatha in Roman Character Volume 50 Page 143. http://84000.org/tipitaka/read/attha_page.php?book=50&page=143&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=50&A=3092&modeTY=2&pagebreak=1 http://84000.org/tipitaka/atthapali/rm_line.php?B=50&A=3092&modeTY=2&pagebreak=1#p143
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]