ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๕๐ ภาษาบาลี อักษรไทย อป.อ.๒ (วิสุทฺธ.๒)

หน้าที่ ๑๔๔.

                ๑๐๐. ๘. เสนาสนทายกตฺเถราปทานวณฺณนา
     สิทฺธตฺถสฺส ภควโตติอาทิกํ อายสฺมโต เสนาสนทายกตฺเถรสฺส อปทานํ.
อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว วิวฏฺฏูปนิสฺสยานิ ปุญฺญานิ
อุปจินนฺโต สิทฺธตฺถสฺส ภควโต กาเล กุลเคเห นิพฺพตฺโต วุทฺธิปฺปตฺโต สตฺถริ
ปสีทิตฺวา อตฺตโน วสนฏฺฐานํ วนนฺตรํ สมฺปตฺตสฺส ภควโต ปณามํ กตฺวา
ปณฺณสนฺถรํ สนฺถริตฺวา อทาสิ. ภควโต นิสินฺนฏฺฐานสฺส สมนฺตโต
ภิตฺติปริจฺเฉทํ กตฺวา ปุปฺผปูชํ อกาสิ. โส เตน ปุญฺญกมฺเมน ๑- เทวมนุสฺเสสุ
สํสรนฺโต อุภยสมฺปตฺติโย อนุภวิตฺวา อิมสฺมึ พุทฺธุปฺปาเท กุลเคเห นิพฺพตฺโต
วุทฺธิปฺปตฺโต สตฺถริ ปสีทิตฺวา ปพฺพชิโต นจิรสฺเสว อรหา อโหสิ.
     [๔๕] โส อปรภาเค อตฺตโน ปุพฺพกมฺมํ สริตฺวา โสมนสฺสชาโต
อตฺตโน ปุพฺพจริตาปทานํ ปกาเสนฺโต ๒- สิทฺธตฺถสฺส ภควโตติอาทิมาห. ตํ
สพฺพํ เหฏฺฐา วุตฺตนยตฺตา อุตฺตานตฺถเมวาติ.
                 เสนาสนทายกตฺเถราปทานวณฺณนา นิฏฺฐิตา.
                        ----------------
                ๑๐๑. ๙. เวยฺยาวจฺจกรตฺเถราปทานวณฺณนา
     วิปสฺสิสฺส ภควโตติอาทิกํ อายสฺมโต เวยฺยาวจฺจกรตฺเถรสฺส อปทานํ.
ตสฺส อุปฺปตฺติอาทโย เหฏฺฐา วุตฺตนิยาเมเนว ทฏฺฐพฺพา.
                 เวยฺยาวจฺจกรตฺเถราปทานวณฺณนา นิฏฺฐิตา.
                         --------------
                 ๑๐๒. ๑๐. พุทฺธุปฏฺฐากตฺเถราปทานวณฺณนา
     วิปสฺสิสฺส ภควโตติอาทิกํ อายสฺมโต พุทฺธุปฏฺฐากตฺเถรสฺส อปทานํ.
อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว วิวฏฺฏูปนิสฺสยานิ ปุญฺญานิ
@เชิงอรรถ:  ฉ.ม. ปุญฺเญน.                  ฉ.ม. ทสฺเสนฺโต.



เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๑๔๔. http://84000.org/tipitaka/read/attha_page.php?book=50&page=144&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=50&A=3117&modeTY=2&pagebreak=1 http://84000.org/tipitaka/atthapali/th_line.php?B=50&A=3117&modeTY=2&pagebreak=1#p144


จบการแสดงผล หน้าที่ ๑๔๔.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]