อรรถกถาเล่มที่ ๕๐ ภาษาบาลี อักษรไทย
อป.อ.๒ (วิสุทฺธ.๒)
หน้าที่ ๑๔๘.

มาลาการกมฺเมน อเนกานิ ปุปฺผานิ วิกฺกิณนฺโต ชีวติ. อเถกทิวสํ ปุปฺผานิ
คเหตฺวา จรนฺโต ภควนฺตํ รตนคฺฆิกมิว จรมานํ ๑- ทิสฺวา รตฺตุปฺปลกลาเปน
ปูเชสิ. โส ตโต จุโต เตเนว ปุญฺเญน สุคตีสุ ปุญฺญมนุภวิตฺวา อิมสฺมึ
พุทฺธุปฺปาเท กุลเคเห นิพฺพตฺโต วุทฺธิมนฺวาย สทฺธาชาโต ปพฺพชิตฺวา
นจิรสฺเสว อรหา อโหสิ.
     [๑๓] โส อปรภาเค อตฺตโน ปุพฺพกมฺมํ สริตฺวา โสมนสฺสชาโต
ปุพฺพจริตาปทานํ ปกาเสนฺโต ติวรายํ นิวาสีหนฺติอาทิมาห. ตตฺถ ติวราติ ตีหิ
วาเรหิ การิตํ สญฺจริตํ ปฏิจฺฉนฺนํ นครํ, ตสฺสํ ติวรายํ นิวาสี, วสนสีโล
นิวาสนฏฺฐานเคเห วา วสนฺโต อหนฺติ อตฺโถ. อโหสึ มาลิโก ตทาติ ตทา
นิพฺพานตฺถาย ปุญฺญสมฺภารกรณสมเย มาลิโก มาลากาโรว ปุปฺผานิ กยวิกฺกยํ
กตฺวา ชีวนฺโต อโหสินฺติ อตฺโถ.
     [๑๔] ปุปฺผหตฺถมทาสหนฺติ ๒- สิทฺธตฺถํ ภควนฺตํ ทิสฺวา อุปฺปลกลาปํ
อทาสึ ปูเชสินฺติ อตฺโถ. เสสํ สพฺพตฺถ อุตฺตานตฺถเมวาติ.
                  อุปฺปลหตฺถิยตฺเถราปทานวณฺณนา นิฏฺฐิตา.
                          -------------
                   ๑๐๖. ๔. ปทปูชกตฺเถราปทานวณฺณนา
     สิทฺธตฺถสฺส ภควโตติอาทิกํ อายสฺมโต ปทปูชกตฺเถรสฺส อปทานํ.
อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว วิวฏฺฏูปนิสฺสยานิ ปุญฺญานิ
อุปจินนฺโต สิทฺธตฺถสฺส ภควโต กาเล กุลเคเห นิพฺพตฺโต วุทฺธิมนฺวาย
สตฺถริ ปสนฺโน สุมนปุปฺเผน ภควโต ๓- ปาทมูเล ปูเชสิ. โส เตน ปุญฺญกมฺเมน
@เชิงอรรถ: ๑ สี. โชตมานํ.                    ๒ ปาฬิ. ปุปฺผหตฺถํ อทาสหํ.
@          ๓ ฉ.ม. อยํ ปาโฐ น ทิสฺสติ.


เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๑๔๘.
http://84000.org/tipitaka/read/attha_page.php?book=50&page=148&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=50&A=3201&modeTY=2&pagebreak=1
http://84000.org/tipitaka/atthapali/th_line.php?B=50&A=3201&modeTY=2&pagebreak=1#p148