อรรถกถาเล่มที่ ๕๐ ภาษาบาลี อักษรไทย
อป.อ.๒ (วิสุทฺธ.๒)
หน้าที่ ๑๗๓.

     [๘๔] โส เตน ปุญฺเญน เทวมนุสฺเสสุ สํสรนฺโต อุภยสมฺปตฺติโย
อนุภวิตฺวา อิมสฺมึ พุทฺธุปฺปาเท เอกสฺมึ กุลเคเห นิพฺพตฺโต วิญฺญุตํ ปตฺโต ๑-
สาสเน ปพฺพชิตฺวา นจิรสฺเสว อรหตฺตํ ปตฺโต ปุพฺเพ กตปุญฺญํ อนุสฺสริตฺวา
โสมนสฺสชาโต ปุพฺพจริตาปทานํ ปกาเสนฺโต "ปพฺพเต หิมวนฺตมฺหีติอาทิมาห.
ปุลินํ โสภณํ ทิสฺวาติ ปริปุณฺณกตํ วิย ปุลากาเรน ปริโสธิตากาเรน ปวตฺตํ
ฐิตนฺติ ปุลินํ, โสภณํ วาลุกํ ทิสฺวา เสฏฺฐํ พุทฺธํ อนุสฺสรินฺติ อตโถ. เสสํ
สุวิญฺเญยฺยเมวาติ.
                  ญาณสญฺญิกตฺเถราปทานวณฺณนา นิฏฺฐิตา.
                         --------------
                  ๑๓๑. ๙. คณฺฐิปุปฺผิยตฺเถราปทานวณฺณนา
     สุวณฺณวณฺโณ สมฺพุทฺโธติอาทิกํ ๒- อายสฺมโต คณฺฐิปุปฺผิยตฺเถรสฺส
อปทานํ. อยมฺปิ ปุริมพุทฺเธสุ กตาธิกาโร อเนกาสุ ชาตีสุ กตปุญฺญสญฺจโย
วิปสฺสิสฺส ภควโต กาเล เอกสฺมึ กุลเคเห นิพฺพตฺโต อุปโภคปริโภเคหิ อนูโน
เอกทิวสํ วิปสฺสึ ภควนฺตํ สคณํ ทิสฺวา ปสนฺนมานโส ลาชาปญฺจเมหิ ปุปฺเผหิ
ปูเชสิ. โส เตเนว จิตฺตปฺปสาเทน ยาวตายุกํ ฐตฺวา ตโต จุโต ๓- เทวโลเก
นิพฺพตฺโต ทิพฺพสมฺปตฺตึ อนุภวิตฺวา อปรภาเค มนุสฺเสสุ มนุสฺสสมฺปตฺตึ
อนุภวิตฺวา อิมสฺมึ พุทฺธุปฺปาเท เอกสฺมึ กุลเคเห นิพฺพตฺโต สทฺธาชาโต
ปพฺพชิตฺวา นจิรสฺเสว อรหา อโหสิ. ๔-
     [๙๑] โส เอกทิวสํ ปุพฺเพ กตปุญฺญํ สริตฺวา โสมนสฺสชาโต "อิมินา
กุสเลนาหํ นิพฺพานํ ปตฺโต"ติ ปุพฺพจริตาปทานํ ปกาเสนฺโต สุวณฺณวณฺโณ
สมฺพุทฺโธติอาทิมาห. ตํ สพฺพํ เหฏฺฐา วุตฺตนยตฺตา อุตฺตานตฺถเมวาติ.
                  คณฺฐิปุปฺผิยตฺเถราปทานวณฺณนา นิฏฺฐิตา.
                        -----------------
@เชิงอรรถ: ๑ ฉ.ม. ปตฺวา.                       ๒ ปาฬิ. ภควา.
@๓ ฉ.ม. อยํ ปาโฐ น ทิสฺสติ.             ๔ ฉ.ม. นจิรสฺเสว อรหตฺตํ ปาปุณิ.


เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๑๗๓.
http://84000.org/tipitaka/read/attha_page.php?book=50&page=173&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=50&A=3750&modeTY=2&pagebreak=1
http://84000.org/tipitaka/atthapali/th_line.php?B=50&A=3750&modeTY=2&pagebreak=1#p173