อรรถกถาเล่มที่ ๕๐ ภาษาบาลี อักษรไทย
อป.อ.๒ (วิสุทฺธ.๒)
หน้าที่ ๑๘๑.

     [๔๑] โส อปรภาเค อตฺตโน ปุพฺพปุญฺญกมฺมํ สริตฺวา โสมนสฺสชาโต
ปุพฺพจริตาปทานํ ปกาเสนฺโต กณิการํว โชตนฺตนฺติอาทิมาห. ตตฺถ กณิการนฺติ
สกลปตฺตปลาสานิ ปริภชฺช ปาเตตฺวา ปุปฺผคหณสมเย กณฺณิกาพทฺโธ หุตฺวา
ปุปฺผมกุลานํ คหณโต กณฺณิกากาเรน ปกโตติ กณิกาโร, "กณฺณิกาโร"ติ
วตฺตพฺเพ นิรุตฺตินเยน เอกสฺส ปุพฺพณการสฺส โลปํ กตฺวา "กณิการนฺ"ติ
วุตฺตนฺติ ทฏฺฐพฺพํ. ตํ ปุปฺผิตํ กณิการรุกฺขํ อิว โชตนฺตํ พุทฺธํ อทฺทสนฺติ
อตฺโถ. เสสํ อุตฺตานตฺถเมวาติ.
                  จมฺปกปุปฺผิยตฺเถราปทานวณฺณนา นิฏฺฐิตา.
                          ------------
                 ๑๓๙. ๗. อตฺถสนฺทสฺสกตฺเถราปทานวณฺณนา
     วิสาลมาเฬ อาสีโนติอาทิกํ อายสฺมโต อตฺถสนฺทสฺสกตฺเถรสฺส อปทานํ.
อยมฺปิ ปุริมพุทฺเธสุ กตาธิกาโร อเนเกสุ อตฺตภาเวสุ กตปุญฺญูปจโย ปทุมุตฺตรสฺส
ภควโต กาเล พฺราหฺมณกุเล นิพฺพตฺโต วุทฺธิมนฺวาย สกสิปฺเปสุ นิปฺผตฺตึ ปตฺโต
ตตฺถ สารํ อปสฺสนฺโต เคหํ ปหาย หิมวนฺตํ คนฺตฺวา รมณีเย ฐาเน ปณฺณสาลํ
กตฺวา ปฏิวสติ, ตทา สตฺตานุกมฺปาย หิมวนฺตมาคตํ ปทุมุตฺตรภควนฺตํ ทิสฺวา
ปสนฺนมานโส ปญฺจงฺคสมนฺนาคโต วนฺทิตฺวา ถุติวจเนหิ โถเมสิ. โส เตน ปุญฺเญน
ยาวตายุกํ ฐตฺวา ๑- กาลํ กตฺวา พฺรหฺมโลกูปโค อโหสิ. โส อปรภาเค อิมสฺมึ
พุทฺธุปฺปาเท กุลเคเห นิพฺพตฺโต วิญฺญุตํ ปตฺโต สตฺถุ ธมฺมเทสนํ สุตฺวา
ปฏิลทฺธสทฺโธ ปพฺพชิตฺวา นจิรสฺเสว อรหตฺตํ  ปาปุณิ.
     [๔๗] โส อตฺตโน ปุพฺพกมฺมํ สริตฺวา โสมนสฺสชาโต ปุพฺพจริตาปทานํ
ปกาเสนฺโต วิสาลมาเฬ อาสีโนติอาทิมาห. ตตฺถ วิสาลมาเฬ วิสาลํ ปตฺถตํ
@เชิงอรรถ: ๑ ฉ.ม. กตฺวา.


เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๑๘๑.
http://84000.org/tipitaka/read/attha_page.php?book=50&page=181&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=50&A=3916&modeTY=2&pagebreak=1
http://84000.org/tipitaka/atthapali/th_line.php?B=50&A=3916&modeTY=2&pagebreak=1#p181