ATTHAKATHA Book 50 : PALI ROMAN
Apa.A.2 (visuddha.2)
Page 182.

Vitthinnam mahantam malam visalamalam, tasmim visalamale asino nisinno aham
lokanayakam addasanti sambandho. Sesam suvinneyyamevati.
                 Atthasandassakattherapadanavannana nitthita.
                           -----------
               140. 8. Ekapasadaniyattherapadanavannana 1-
     narado iti me namantiadikam 2- ayasmato ekapasadaniyattherassa
apadanam. Ayampi purimabuddhesu katadhikaro anekasu jatisu katakusalo atthadassissa
bhagavato kale brahmanakule nibbatto kesavoti pakato hutva vinnutam patva
gharavasam pahaya pabbajitva vasanto ekadivasam satthu dhammadesanam sutva
pasannamanaso anjalim paggayha ativiya pitisomanassajato pakkami. So yavatayukam
thatva teneva somanassena kalam katva devesu nibbatto tattha dibbasampattim
anubhavitva manussesu uppanno tattha sampattiyo anubhavitva imasmim buddhuppade
annatarasmim kulagehe nibbatto vuddhippatto satthari pasiditva pabbajito
nacirasseva araha ahosi.
     [55] So aparabhage attano katakusalakammam saritva somanassajato
pubbacaritapadanam pakasento narado iti me namantiadimaha. Tattha naradoti
jativasena suddhasariratta natthi rajo dhuli malam etassati narado, jakarassa
dakaram katva naradoti kuladattikam namam. Kesavoti kisavacchagotte jatatta
kesavo naradakesavo iti mam jana vidu janantiti attho. Sesam pakatamevati.
                 Ekapasadaniyattherapadanavannana nitthita.
                         --------------
@Footnote: 1 paliyam ekaramsaniyattherapadananti dissati.  2 paliyam narado iti namenati
@dissati.


The Pali Atthakatha in Roman Character Volume 50 Page 182.
http://84000.org/tipitaka/read/attha_page.php?book=50&page=182&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=50&A=3938&modeTY=2&pagebreak=1
http://84000.org/tipitaka/atthapali/rm_line.php?B=50&A=3938&modeTY=2&pagebreak=1#p182