ATTHAKATHA Book 50 : PALI ROMAN
Apa.A.2 (visuddha.2)
Page 202.

Saddhasampanno pabbajitva vattapatipattiya sasanam sobhayamano nacirasseva
araha hutva "kena nu kho kusalakammena maya ayam lokuttarasampatti laddha"ti
atitakammam saranto pubbakammam paccakkhato natva sanjatasomanasso pubbacaritapadanam
pakasento suvaccho nama namenatiadimaha. Tattha vacchagotte
jatatta vaccho, sundaro ca so vaccho ceti suvaccho. Namena suvaccho nama
brahmano mantaparagu vedattayadisakalamantasatthe kotippattoti attho. Sesam
hettha vuttanayatta uttanatthamevati.
                  Nagapupphiyattherapadanavannana nitthita.
                          ------------
                 161. 9. Punnagapupphiyattherapadanavannana
     kananam vanamogayhatiadikam ayasmato punnagapupphiyattherassa apadanam.
Ayampi purimajinavaresu katadhikaro tattha tattha bhave vivattupanissayani punnani
upacinanto phussassa bhagavato kale nesadakule nibbatto mahavanam pavittho
tattha supupphitapunnagapuppham disva hetusampannatta buddharammanapitivasena
bhagavantam saritva tam puppham saha kannikahi 1- ocinitva valukahi cetiyam katva
pujesi.
     [46] So tena punnena dvenavutikappe nirantaram devamanussasampattiyoyeva
anubhavitva imasmim buddhuppade savatthiyam vibhavasampanne kule nibbatto
vuddhimanvaya pubbavasanabalena sasane pasanno pabbajitva vayamanto
nacirasseva araha hutva pubbe katakusalam saritva somanassajato
@Footnote: 1 Si. sakani.


The Pali Atthakatha in Roman Character Volume 50 Page 202.
http://84000.org/tipitaka/read/attha_page.php?book=50&page=202&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=50&A=4371&modeTY=2&pagebreak=1
http://84000.org/tipitaka/atthapali/rm_line.php?B=50&A=4371&modeTY=2&pagebreak=1#p202