ATTHAKATHA Book 50 : PALI ROMAN
Apa.A.2 (visuddha.2)
Page 211.

                169. 7. Yuthikapupphiyattherapadanavannana 1-
     candabhaganaditiretiadikam ayasmato yuthikapupphiyattherassa apadanam. Ayampi
ayasma purimamunindesu katadhikaro anekesu ca jatisatesu vivattupanissayani
punnani upacinanto phussasseva bhagavato kale suddakule nibbatto
vuddhippatto candabhagaya nadiya tire kenacideva karaniyena anusotam caramano
phussam bhagavantam nhayitukamam aggikkhandham viya jalamanam disva somanassajato
tattha jatam yuthikapuppham ocinitva bhagavantam pujesi. Bhagava tassa anumodanam
akasi.
     [33] So tattha tena punnakotthasena devamanussesu samsaranto
ubhayasampattiyo anubhavitva imasmim buddhuppade kulagehe nibbatto
vuddhippatto bhagavato dhammadesanam sutva pasannamanaso pabbajitva
vattapatipattiya sasanam sobhento nacirasseva araha hutva attano pubbakammam
saritva somanassajato pubbacaritapadanam pakasento candabhaganaditiretiadimaha.
Tam sabbam uttanatthamevati.
                  Yuthikapupphiyattherapadanavannana nitthita.
                          ------------
                  170. 8. Dussadayakattherapadanavannana
     tivarayam pure rammetiadikam ayasmato dussadayakattherassa apadanam.
Ayampayasma purimajinavaresu katadhikaro tattha tattha bhave vivattupanissayani
punnani upacinanto siddhatthassa bhagavato kale rajakule nibbatto
vuddhippattakale yuvarajabhavam patva pakato ekam janapadam labhitva
@Footnote: 1 pali. yudhika...


The Pali Atthakatha in Roman Character Volume 50 Page 211.
http://84000.org/tipitaka/read/attha_page.php?book=50&page=211&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=50&A=4548&modeTY=2&pagebreak=1
http://84000.org/tipitaka/atthapali/rm_line.php?B=50&A=4548&modeTY=2&pagebreak=1#p211