อรรถกถาเล่มที่ ๕๐ ภาษาบาลี อักษรไทย
อป.อ.๒ (วิสุทฺธ.๒)
หน้าที่ ๒๑๖.

                 ๑๗๔. ๒. นิสฺเสณิทายกตฺเถราปทานวณฺณนา
     โกณฺฑญฺสฺส ภควโตติอาทิกํ อายสฺมโต นิสฺเสณิทายกตฺเถรสฺส อปทานํ.
อยมฺปิ ปุริมชินวเรสุ กตาธิกาโร อเนกาสุ ชาตีสุ วิวฏฺฏูปนิสฺสยานิ ปุญฺานิ
อุปจินนฺโต โกณฺฑญฺสฺส ภควโต กาเล วฑฺฒกิกุเล นิพฺพตฺโต สทฺโธ ปสนฺโน
ภควโต ธมฺมเทสนํ สุตฺวา ปสนฺนมานโส ภควโต วสนปาสาทสฺสาโรหนตฺถาย
สารกฏฺมยํ นิสฺเสณึ กตฺวา อุสฺสาเปตฺวา เปสิ. ภควา ตสฺส ปสาทสํวฑฺฒนตฺถาย
ปสฺสนฺตสฺเสว อุปริปาสาทํ อารุหิ. โส อตีว ปสนฺโน เตเนว ปีติโสมนสฺเสน
กาลํ กตฺวา เทวโลเก นิพฺพตฺโต ตตฺถ ทิพฺพสมฺปตฺตึ อนุภวิตฺวา มนุสฺเสสุ
ชายมาโน นิสฺเสณิทานนิสฺสนฺเทน อุจฺจกุเล นิพฺพตฺโต มนุสฺสสุขํ อนุภวิตฺวา
อิมสฺมึ พุทฺธุปฺปาเท เอกสฺมึ กุเล นิพฺพตฺโต สตฺถุ ธมฺมเทสนํ สุตฺวา สทฺธาชาโต
ปพฺพชิตฺวา นจิรสฺเสว อรหา อโหสิ.
     [๙] โส อตฺตโน ปุพฺพกมฺมํ สริตฺวา โสมนสฺสชาโต ปุพฺพจริตาปทานํ
ปกาเสนฺโต โกณฺฑญฺสฺส ภควโตติอาทิมาห. ตตฺถ โกณฺฑญฺสฺสาติ กุจฺฉิโต
หุตฺวา เฑติ ปวตฺตตีติ โกณฺโฑ, ลามกสตฺโต, โกณฺฑโต อญฺโติ โกณฺฑญฺโ,
อลามโก อุตฺตมปุริโสติ อตฺโถ. อถ วา พฺราหฺมณโคตฺเตสุ โกณฺฑญฺโคตฺเต
อุปฺปนฺนตฺตา ๑- "โกณฺฑญฺโ"ติ โคตฺตวเสน ตสฺส นามํ, ตสฺส โกณฺฑญฺสฺส.
เสสํ ปากฏเมวาติ.
                 นิสฺเสณิทายกตฺเถราปทานวณฺณนา นิฏฺิตา.
                          ------------
@เชิงอรรถ: ๑ สี. อุปฺปนฺโน.


เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๒๑๖.
http://84000.org/tipitaka/read/attha_page.php?book=50&page=216&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=50&A=4649&pagebreak=1
http://84000.org/tipitaka/atthapali/th_line.php?B=50&A=4649&pagebreak=1#p216