ATTHAKATHA Book 50 : PALI ROMAN
Apa.A.2 (visuddha.2)
Page 227.

     [31] Te kisalayati te asokapallava. Chattham.
     Sattamatthamanavamani uttanatthaneva. Dasamepi apubbam natthiti.
                       Visatimavaggavannana nitthita.
                    21-3. Kanikarapupphiyavaggadivannana
     ito param sabbattha anuttanapadavannanam karissama. Ekavisatime bavisatime
tevisatime ca vagge sabbesam theranam sayamkatena punnena laddhanamani,
katapunnananca nanattam tesam byakaranadayakanam buddhanam namani vasitanagarani
ca hettha vuttanayatta sabbanipi uttananevati. 1- Apadanagathanamattho ca
nayanuyogena suvinneyyoyevati.
                      24. Udakasanavaggavannana 2-
     catuvisatime vagge pathamadutiyapadanani uttananeva.
                  235. 3. Salapupphiyattherapadanavannana
     [9] Tatiyapadane arunavatiya nagareti a samantato alokam karonto
unati uggacchatiti aruno, so tasmim vijjatiti arunavati, tasmim nagare alokam
karonto suriyo uggacchatiti attho. Sesanagaresupi suriyuggamane vijjamanepi
visesavacanam sabbacatuppadanam mahiyam sayanepi sati mahiyam sayatiti mahimsoti vacanam
viya rulhivasena vuttanti veditabbam. Atha va pakarapasadahammiyadisu suvanna-
rajatamanimuttadisattaratanapabhahi arunuggamanam viya pabhavati arunavati nama, tasmim
arunavatiya nagare, pupiko pupavikkayena jivikam kappento ahosinti attho.
@Footnote: 1 cha.Ma. uttananeva.              2 pali. udakasanadayakavagga


The Pali Atthakatha in Roman Character Volume 50 Page 227.
http://84000.org/tipitaka/read/attha_page.php?book=50&page=227&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=50&A=4874&modeTY=2&pagebreak=1
http://84000.org/tipitaka/atthapali/rm_line.php?B=50&A=4874&modeTY=2&pagebreak=1#p227