บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 50 : PALI ROMAN Apa.A.2 (visuddha.2) Page 231.
247. 5. Kuṭidhūpakattherāpadānavaṇṇanā [17] Pañcamāpadāne kuṭigopakoti senāsanapālako. Kālena kālaṃ dhūpesinti sampattasampattakālānukāle dhūpesiṃ, dhūpena sugandhaṃ akāsinti attho. Siddhatthassa bhagavato gandhakuṭikālānusālidhūpena dhūpesiṃ vāsesinti attho. Chaṭṭhasattamāpadānāni uttānatthāneva. 250. 8. Sattasattalipupphapūjakattherāpadānavaṇṇanā [27] Aṭṭhamāpadāne satta sattalipupphānīti 1- sattalisaṅkhātāni, 2- sattapupphāni sīsenādāya vessabhussa bhagavato abhiropesiṃ pūjesinti. Attho. 251. 9. Bimbijālapupphiyattherāpadānavaṇṇanā [31] Navamāpadāne bimbijālakapupphānīti rattaṅkuravakapupphāni siddhatthassa bhagavato pūjesinti attho. [35] Dasamāpadāne uddālakaṃ gahetvānāti jātassare vihaṅgasobbhe jātaṃ uddālakapupphaṃ ocinitvā kakusandhassa bhagavato 3- pūjesinti attho. Sesaṃ suviññeyyamevāti. Pañcavīsatimavaggavaṇṇanā niṭṭhitā. ---------- @Footnote: 1 Ma.,i. sattapattalipupphānīti. @2 Ma.,i. pattalisaṅkhātāni. 3 kakudhassa bhagavato (?).The Pali Atthakatha in Roman Character Volume 50 Page 231. http://84000.org/tipitaka/read/attha_page.php?book=50&page=231&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=50&A=4940&pagebreak=1 http://84000.org/tipitaka/atthapali/rm_line.php?B=50&A=4940&pagebreak=1#p231
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]