บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 50 : PALI ROMAN Apa.A.2 (visuddha.2) Page 233.
Putto aham. Ekopahano maya dinnoti ekam upahanayugam maya dinnam. Bodhi sampajja me tuvanti tena upahanayugena me mayham savakabodhim tuvam sampajja nipphadehiti attho. 259. 7. Manjaripujakattherapadanavannana [23-24] Sattamapadane manjarikam karitvanati manjetthipuppham haritacankotakam gahetva rathiyam vithiya patipajjim aham tatha patipannova bhikkhusamghapurakkhatam bhikkhusamghena parivutam samananaggam samananam bhikkhunam aggam settham sammasambuddham addasanti sambandho. Buddhassa abhiropayinti disva ca pana tam puppham ubhohi hatthehi paggayha ukkhipitva buddhassa phussassa bhagavato abhiropayim pujesinti attho. 260. 8. Pannadayakattherapadanavannana [28-29] Atthamapadane alonapannabhakkhomhiti khirapannadini unchacariyaya aharitva lonavirahitani pannani pacitva bhakkhami, alonapannabhakkho amhi bhavamiti attho. Niyamesu ca samvutoti niyamasannitesu panatipataveramani- adisu niccapancasilesu samvuto pihitoti attho. Patarase anuppatteti purebhattakale anuppatte. Siddhattho upagacchi manti mama samipam siddhattho bhagava upaganchi sampapuni. Taham buddhassa padasinti aham tam alonapannam tassa buddhassa adasinti attho. Navamapadanam uttanameva.The Pali Atthakatha in Roman Character Volume 50 Page 233. http://84000.org/tipitaka/read/attha_page.php?book=50&page=233&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=50&A=4978&modeTY=2&pagebreak=1 http://84000.org/tipitaka/atthapali/rm_line.php?B=50&A=4978&modeTY=2&pagebreak=1#p233
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]