อรรถกถาเล่มที่ ๕๐ ภาษาบาลี อักษรไทย
อป.อ.๒ (วิสุทฺธ.๒)
หน้าที่ ๒๓๔.

                 ๒๖๒. ๑๐. อคฺคปุปฺผิยตฺเถราปทานวณฺณนา
     [๓๗-๓๘] ทสมาปทาเน สิขินํ สิขินํ ยถาติ สรีรโต นิกฺขนฺตฉพฺพณฺณรํสีหิ
โอภาสยนฺตํ ชลนฺตํ สิขีนํ สิขีภควนฺตํ สิขีนํ ยถา ชลมานอคฺคิกฺขนฺธํ วิย.
อคฺคชํ ปุปฺผมาทายาติ อคฺคชนามกํ ปุปฺผํ คเหตฺวา พุทฺธสฺส สิขิสฺส ภควโต
อภิโรปยึ ปูเชสินฺติ อตฺโถ.
                      ฉพฺพีสติมวคฺควณฺณนา นิฏฺฐิตา.
                           -----------
                       ๒๗. ปทุมุกฺเขปวคฺควณฺณนา
                 ๒๖๓. ๑. อากาสุกฺขิปิยตฺเถราปทานวณฺณนา
     [๑-๒] สตฺตวีสติเม วคฺเค ปฐมาปทาเน ชลชคฺเค ทุเว คยฺหาติ
ชเล อุทเก ชาเต อคฺเค อุปฺปลาทโย เทฺว ปุปฺเผ คเหตฺวา พุทฺธสฺส สมีปํ
คนฺตฺวา เอกํ ปุปฺผํ ปาเทสุ นิกฺขิปึ ปูเชสึ, เอกํ ปุปฺผํ อากาเส ขิปินฺติ อตฺโถ.
     ทุติยาปทานํ ปากฏเมว.
                  ๒๖๕. ๓. อฑฺฒจนฺทิยตฺเถราปทานวณฺณนา
     [๑๐] ตติยาปทาเน โพธิยา ปาทปุตฺตเมติ อุตฺตเม โพธิปาทเป.
อฑฺฒจนฺทํ มยา ทินฺนนฺติ ตสฺมึ โพธิมูเล อฑฺฒจนฺทากาเรน มยา อเนกปุปฺผานิ
ปูชิตานีติ อตฺโถ. ธรณีรุหปาทเปติ รุกฺขปพฺพตรตนาทโย ธาเรตีติ ธรณี,
ปฐวี, ธรณิยา รุหติ ปติฏฺฐหตีติ ธรณีรุโห, ปาทสงฺขาเตน มูเลน อุทกํ ปิวติ
ขนฺธวิฏปาทีสุ ปตฺถริยตีติ ปาทโป, ธรณีรุโห จ โส ปาทโป เจติ
ธรณีรุหปาทโป, ตสฺมึ ธรณีรุหปาทเป ปุปฺผํ มยา ปูชิตนฺติ อตฺโถ.
     จตุตฺถาปทานํ อุตฺตานตฺถเมว.
@เชิงอรรถ: ๑ ฉ.ม. ปทุมุกฺขิปวคฺควณฺณนา.


เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๒๓๔.
http://84000.org/tipitaka/read/attha_page.php?book=50&page=234&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=50&A=4996&modeTY=2&pagebreak=1
http://84000.org/tipitaka/atthapali/th_line.php?B=50&A=4996&modeTY=2&pagebreak=1#p234