อรรถกถาเล่มที่ ๕๐ ภาษาบาลี อักษรไทย
อป.อ.๒ (วิสุทฺธ.๒)
หน้าที่ ๒๓๖.

                  ๒๗๗. ๕. เอกญฺชลิยตฺเถราปทานวณฺณนา
     [๑๙] ปญฺจมาปทาเน อุทุมฺพเร วสนฺตสฺสาติ อุทุมฺพรรุกฺขมูเล
รุกฺขจฺฉายาย วสนฺตสฺส ติสฺสสฺส ภควโต. นิยเต ปณฺณสนฺถเรติ นิยามิเต
ปฏิพทฺเธ ปณฺณสนฺถเร สาขาภงฺคาสเน นิสินฺนสฺส. วุตฺโถกาโส มยา ทินฺโนติ
วิวตฺโตกาเส มณฺฑปทฺวาราทีหิ ปิหิโตกาโส มยา ทินฺโน สมฺปาทิโตติ อตฺโถ.
                 ๒๗๘. ๖. โปตฺถทายกตฺเถราปทานวณฺณนา
     [๒๔] ฉฏฺฐาปทาเน โปตฺถทานํ มยา ทินฺนนฺติ โปตฺถวฏฺฏึ โปตฺถฉลฺลึ ๑-
ตาเฬตฺวา กตํ สาฏกํ วิสมํ โคผาสุเกน ฆํสิตฺวา นิมฺมิตํ สุตฺตํ คเหตฺวา
กนฺติตฺวา เตน สุตฺเตน นิสีทนตฺถาย วา ภูมตฺถรณตฺถาย วา สาฏกํ วายาเปตฺวา
ตํ สาฏกํ มยา รตนตฺตยสฺส ทินฺนนฺติ อตฺโถ.
                  ๒๗๙. ๗. จิตกปูชกตฺเถราปทานวณฺณนา
     [๒๗] สตฺตมาปทาเน จนฺทภาคานทีตีเรติ จนฺทภาคาย นาม นทิยา
ตีรโต, นิสฺสกฺเก ภุมฺมวจนํ. อนุโสตนฺติ โสตสฺส อนุ เหฏฺฐาคงฺคํ วชามิ
คจฺฉามิ อหนฺติ อตฺโถ. สตฺต มาลุวปุปฺผานิ, จิตมาโรปยึ อหนฺติ อหํ
มาลุวปุปฺผานิ สตฺต ปตฺตานิ คเหตฺวา จิตเก วาลุกราสิมฺหิ วาลุกาหิ ถูปํ
กตฺวา ปูเชสินฺติ อตฺโถ.
                  ๒๘๐. ๘. สลฬปุปฺผิยตฺเถราปทานวณฺณนา
     [๓๑-๓๒] อฏฺฐมาปทาเน มหาสินฺธุ สุทสฺสนาติ สุนฺทรทสฺสนสุนฺทโรทก-
ธวลปุลิโนปโสภิตตฺตา สุฏฺฐุ มโนหรา มหาสินฺธุ นาม วารินที อโหสิ.
@เชิงอรรถ: ๑ สี. โปตฺถปฏฺฏโปตฺถชลี, อิ. โปตฺถวฏฺฏึ โปตฺถชลฺลึ.


เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๒๓๖.
http://84000.org/tipitaka/read/attha_page.php?book=50&page=236&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=50&A=5041&modeTY=2&pagebreak=1
http://84000.org/tipitaka/atthapali/th_line.php?B=50&A=5041&modeTY=2&pagebreak=1#p236