ATTHAKATHA Book 50 : PALI ROMAN
Apa.A.2 (visuddha.2)
Page 236.

                  277. 5. Ekanjaliyattherapadanavannana
     [19] Pancamapadane udumbare vasantassati udumbararukkhamule
rukkhacchayaya vasantassa tissassa bhagavato. Niyate pannasanthareti niyamite
patibaddhe pannasanthare sakhabhangasane nisinnassa. Vutthokaso maya dinnoti
vivattokase mandapadvaradihi pihitokaso maya dinno sampaditoti attho.
                 278. 6. Potthadayakattherapadanavannana
     [24] Chatthapadane potthadanam maya dinnanti potthavattim potthachallim 1-
taletva katam satakam visamam gophasukena ghamsitva nimmitam suttam gahetva
kantitva tena suttena nisidanatthaya va bhumattharanatthaya va satakam vayapetva
tam satakam maya ratanattayassa dinnanti attho.
                  279. 7. Citakapujakattherapadanavannana
     [27] Sattamapadane candabhaganaditireti candabhagaya nama nadiya
tirato, nissakke bhummavacanam. Anusotanti sotassa anu hetthagangam vajami
gacchami ahanti attho. Satta maluvapupphani, citamaropayim ahanti aham
maluvapupphani satta pattani gahetva citake valukarasimhi valukahi thupam
katva pujesinti attho.
                  280. 8. Salalapupphiyattherapadanavannana
     [31-32] Atthamapadane mahasindhu sudassanati sundaradassanasundarodaka-
dhavalapulinopasobhitatta sutthu manohara mahasindhu nama varinadi ahosi.
@Footnote: 1 Si. potthapattapotthajali, i. potthavattim potthajallim.


The Pali Atthakatha in Roman Character Volume 50 Page 236.
http://84000.org/tipitaka/read/attha_page.php?book=50&page=236&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=50&A=5041&modeTY=2&pagebreak=1
http://84000.org/tipitaka/atthapali/rm_line.php?B=50&A=5041&modeTY=2&pagebreak=1#p236