บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 50 : PALI ROMAN Apa.A.2 (visuddha.2) Page 237.
Tattha tissam sindhuvarinadiyam sappabhasam pabhaya sahitam sudassanam sundararupam paramopasame yuttam uttame upasame yuttam samangibhutam vitaragam aham addasanti attho. Disvaham vimhitasayoti "evarupam bhayanakam himavantam katham sampatto"ti vimhitaajjhasayo acchariyabbhutacittoti attho. Aluvam tassa padasinti tassa arahato aham pasannamanaso aluvakandam padasim adarena adasinti attho. Navamadasamapadanani uttananevati. Atthavisatimavaggavannana nitthita. --------- 29. Pannadayakavaggavannana 283. 1. Pannadayakattherapadanavannana [1-2] Ekunatimsatime vagge pathamapadane pannabhojanabhojanoti khirapannadibhojanassa bhunjanatthaya pannasalaya nisinno amhi bhavamiti attho. Upavitthanca mam santanti pannasalayam upavittham santam vijjamanam mam. Upagacchi mahaisiti mahante siladikhandhe esanato mahaisi. Lokapajjoto lokapadipo siddhattho bhagava upagacchi, mama samipam agamasiti attho. Nisinnassa pannasanthareti upagantva pannasanthare nisinnassa khadanatthaya seditam pannam maya dinnanti sambandho. 284. 2. Phaladayakattherapadanavannana [5-7] Dutiyapadane sinerusamasantoso dharanisamasadiso siddhattho bhagavati sambandho. Vutthahitva samadhimhati nirodhasamapattito vutthahitva visum hutvati attho. Bhikkhaya mamupatthitoti bhikkhacaravelaya "ajja mama yo kociThe Pali Atthakatha in Roman Character Volume 50 Page 237. http://84000.org/tipitaka/read/attha_page.php?book=50&page=237&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=50&A=5061&modeTY=2&pagebreak=1 http://84000.org/tipitaka/atthapali/rm_line.php?B=50&A=5061&modeTY=2&pagebreak=1#p237
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]