อรรถกถาเล่มที่ ๕๐ ภาษาบาลี อักษรไทย
อป.อ.๒ (วิสุทฺธ.๒)
หน้าที่ ๒๔๐.

ทหนทารุราสึ วนฺทิตฺวา ปณามํ กตฺวา เสตจฺฉตฺตญฺจ ปคฺคยฺหาติ น เกวลเมว
วนฺทิตฺวา ธวลจฺฉตฺตํ จ ปคฺคยฺห อุกฺขิปิตฺวา อหํ อาโรเปสึ ปติฏฺฐเปสินฺติ
อตฺโถ.
                  ๒๙๖. ๔. สทฺทสญฺญกตฺเถราปทานวณฺณนา
     [๑๗-๑๘] จตุตฺถาปทาเน อนุคฺคตมฺหิ อาทิจฺเจติ สูริเย อนุคฺคเต อนุฏฺฐิเต
ปจฺจูสกาเลติ อตฺโถ. ปสาโท วิปุโล อหูติ โรคปีฬิตสฺส มยฺหํ จิตฺตปฺปสาโท
วิปุโล อติเรโก พุทฺธานุสฺสรเณน อหุ อโหสิ. มเหสิโน พุทฺธเสฏฺฐสฺส โลกมฺหิ
ปาตุภาโว ปากฏภาโว อโหสีติ สมฺพนฺโธ. โฆสมสฺโสสหํ ตตฺถาติ ตสฺมึ ปาตุภาเว
สติ "อหํ คิลาโน พุทฺโธ อุปฺปนฺโน"ติ โฆสํ อสฺโสสึ. น จ ปสฺสามิ ตํ ชินนฺติ
ตํ ชิตปญฺจมารํ สมฺมาสมฺพุทฺธํ น ปสฺสามิ, พาฬฺหคิลานตฺตา คนฺตฺวา ปสฺสิตุํ
น สกฺโกมีติ อตฺโถ. มรณญฺจ อนุปฺปตฺโตติ มรณาสนฺนกาลํ อนุปฺปตฺโต,
อาสนฺนมรโณ หุตฺวาติ อตฺโถ. พุทฺธสญฺญมนุสฺสรินฺติ พุทฺโธตินามํ อนุสฺสรึ,
พุทฺธารมฺมณํ มนสิ อกาสินฺติ อตฺโถ.
                ๒๙๗. ๕. โคสีสนิกฺเขปกตฺเถราปทานวณฺณนา
     [๒๑-๒๓] ปญฺจมาปทาเน อารามทฺวารา นิกฺขมฺมาติ อารามทฺวารโต
สํฆสฺส นิกฺขมนทฺวารมคฺเคติ อตฺโถ. โคสีสํ สนฺถตํ มยาติ ตสฺมึ นิกฺขมน-
ทฺวารมคฺเค "ภควโต ภิกฺขุสํฆสฺส จ ปาทา มา กทฺทมํ อกฺกมนฺตู"ติ อกฺกมนตฺถาย ๑-
โคสีสํ ๒- มยา สนฺถริตนฺติ อตฺโถ. อนุโภมิ สกํ กมฺมนฺติ อตฺตโน โคสีสอตฺถรณ-
กมฺมสฺส พเลน อาชานียา วาตชวา สินฺธวา สีฆวาหนาทีนิ วิปากผลานิ อนุโภมีติ
อตฺโถ. อโห การํ ปรมการนฺติ สุเขตฺเต สํเฆ มยา สุฏฺฐุ กตํ การํ อปฺปกมฺปิ
@เชิงอรรถ: ๑ สี. อติกฺกมนตฺถาย.              ๒ ฉ.ม. โคสีสฏฺฐึ.


เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๒๔๐.
http://84000.org/tipitaka/read/attha_page.php?book=50&page=240&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=50&A=5124&modeTY=2&pagebreak=1
http://84000.org/tipitaka/atthapali/th_line.php?B=50&A=5124&modeTY=2&pagebreak=1#p240