ATTHAKATHA Book 50 : PALI ROMAN
Apa.A.2 (visuddha.2)
Page 241.

Kiccam mahapphaladanato paramakaram uttamakiccam aho vimhayanti attho. Yatha
tinadosadivirahitesu khettesu vappitam salibijam mahapphalam deti, evameva
ragadosadidosarahite parisuddhakayavacisamacare samghakhette gosisaattharanakammam maya
katam, idam mahapphalam detiti vuttam hoti. Na annam kalamagghatiti annam bahirasasane
katam kammam samghe katassa karassa pujasakkarassa kalam solasim kalam kotthasam na
agghatiti sambandho.
              Chatthasattamatthamanavamadasamapadanani uttananevati.
                       Timsatimavaggavannana nitthita.
                            ---------
                     31. Padumakesariyavaggavannana 1-
                 303. 1. Padumakesariyattherapadanavannana
     [1-2] Ekatimsatime vagge pathamapadane isisamghe aham pubbeti aham
pubbe bodhisambharapuranakale isisamghe paccekabuddhaisisamuhe tesam samipe
himavantapabbate matangahatthikule varano candahatthi ahosinti sambandho.
Manussadayo varetiti varano, atha va vacaya ravati koncanadam nadatiti
varano. Mahesinam pasadenati paccekabuddhamahesinam pasadena. Paccekajinasetthesu,
dhutaragesu tadisuti lokadhammehi niccalesu paccekabuddhesu padmakesaram padumarenum
okirim  avasincinti sambandho.
     Dutiyatatiyapadanani uttanani.
@Footnote: 1 cha.Ma. padumakesaravaggavannana.


The Pali Atthakatha in Roman Character Volume 50 Page 241.
http://84000.org/tipitaka/read/attha_page.php?book=50&page=241&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=50&A=5145&modeTY=2&pagebreak=1
http://84000.org/tipitaka/atthapali/rm_line.php?B=50&A=5145&modeTY=2&pagebreak=1#p241