ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๕๐ ภาษาบาลี อักษรไทย อป.อ.๒ (วิสุทฺธ.๒)

หน้าที่ ๒๕๖.

ปฏฺฐาย สพฺพสงฺคาเมสุ ชินโต, จตูหิ สงฺคหวตฺถูหิ ชนํ รญฺชนโต
อลฺลียนโต วิชโย นาม ราชา อโหสีติ อตฺโถ. เกตุมตี ปุรุตฺตเมติ เกตุ
วุจฺจนฺติ ธชปฏากา. อถ วา นครโสภนตฺถาย นครมชฺเฌ อุสฺสาปิตรตน-
โตรณานิ, เต เกตู นิจฺจํ อุสฺสาปิตา โสภยมานา อสฺสา อตฺถีติ เกตุมตี.
ปูเรติ ธนธญฺเญหิ สพฺพชนานํ มนนฺติ ปุรํ. เกตุมตี จ สา ปุรญฺจ
เสฏฺฐฏฺเฐน อุตฺตมญฺเจติ เกตุมตีปุรุตฺตมํ, ตสฺมึ เกตุมตีปุรุตฺตเม. สูโร
วิกฺกมสมฺปนฺโนติ อภีโต วีริยสมฺปนฺโน วิชโย นาม ราชา อชฺฌาวสีติ
สมฺพนฺโธ. อิตฺถํ ภูตํ ปุรญฺจ สพฺพวตฺถุวาหนญฺจ ฉฑฺเฑตฺวา หิมวนฺตํ ปวิสิตฺวา
อิสิปพฺพชฺชํ ปพฺพชิตฺวา วสนฺโต สุเมธภควนฺตํ ทิสฺวา โสมนสฺสํ อุปฺปาเทตฺวา
จนฺทเนน ปูชากรณเมว วิเสโส.
                  ๔๑๑. ๙. ชตุกณฺณิกตฺเถราปทานวณฺณนา
     [๒๗๖] นวมาปทาเน นคเร หํสวติยาติอาทิกํ อายสฺมโต ชตุกณฺณิกตฺ-
เถรสฺส อปทานํ. ตตฺถ เสฏฺฐิปุตฺโต หุตฺวา สุวณฺณปาสาเท วสนภาโว จ
ปญฺจหิ กามคุเณหิ สมงฺคี หุตฺวา วสนภาโว จ สพฺพเทสวาสีนํ สพฺพสิปฺป-
วิญฺญูนญฺจ อาคนฺตฺวา เสวนภาโว จ วิเสโส.
                   ๔๑๒. ๑๐. อุเทนตฺเถราปทานวณฺณนา
     [๓๓๐] ทสมาปทาเน หิมวนฺตสฺสาวิทูเรติอาทิกํ อายสฺมโต อุเทนตฺเถรสฺส
อปทานํ. ตตฺถ หิมวนฺตสมีเป ปทุมปพฺพตํ นิสฺสาย ตาปสปพฺพชฺชํ ปพฺพชิตฺวา
วสนฺเตน ปทุมุตฺตรสฺส ภควโต ปทุมปุปฺผํ คเหตฺวา ปูชิตภาโวว วิเสโส.
เสสํ สพฺพตฺถ อุตฺตานเมวาติ.
                    เอกจตฺตาลีสมวคฺควณฺณนา นิฏฺฐิตา.
                          -------------



เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๒๕๖. http://84000.org/tipitaka/read/attha_page.php?book=50&page=256&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=50&A=5456&modeTY=2&pagebreak=1 http://84000.org/tipitaka/atthapali/th_line.php?B=50&A=5456&modeTY=2&pagebreak=1#p256


จบการแสดงผล หน้าที่ ๒๕๖.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]