[132] Tatoham vihatarambhoti tato paccekabuddhassa sariradassanena aham
vihatarambho vinatthasarambho, vinatthamano nimmado hutva pabbajjam sam sutthu
yacim samyacim arocesinti attho. Sesam suvinneyyamevati.
Vangisattherapadanavannana nitthita.
----------------
547/135. 5. Nandakattherapadanavannana
pancamapadane padumuttaro nama jinotiadikam ayasmato nandakattherassa
apadanam. Ayampi purimabuddhesu katadhikarotiadi sabbam pathanusarena
suvinneyyamevati.
Nandakattherapadanavannana nitthita,
------------
548/136. 6. Kaludayittherapadanavannana
chatthapadane padumuttaro nama jinotiadikam ayasmato kaludayittherassa
apadanam. Ayampi purimabuddhesu katadhikaro tattha tattha bhave vivattupanissayani
punnani upacinanto padumuttarassa bhagavato kale hamsavatinagare kulagehe
nibbatto vinnutam patto satthu dhammadesanam sunanto sattharam ekam bhikkhum
kulappasadakanam aggatthane thapentam disva tajjam abhiniharakammam katva tam thanantaram
patthesi. Satthapi byakasi. So yavajivam kusalam katva devamanussesu samsaranto
amhakam bodhisattassa matukucchiyam patisandhiggahanadivase devalokato cavitva
kapilavatthusmimyeva amaccakule patisandhim ganhi. Bodhisattena saha ekadivaseyeva
jato, tamdivasamyeva nam dukulacumbatakena nipajjapetva bodhisattassa upatthanam
nayimsu. Bodhisattena hi saddhim bodhirukkho, rahulamata, cattaro nidhi, arohaniyahatthi,
kanthako, channo, kaludayiti ime satta ekadivase jaditatta sahajata
The Pali Atthakatha in Roman Character Volume 50 Page 316.
http://84000.org/tipitaka/read/attha_page.php?book=50&page=316&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=50&A=6781&modeTY=2&pagebreak=1
http://84000.org/tipitaka/atthapali/rm_line.php?B=50&A=6781&modeTY=2&pagebreak=1#p316
