บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 50 : PALI ROMAN Apa.A.2 (visuddha.2) Page 328.
[166] Gunagunaviduti gunanca agunanca gunagunam, vannavannam, kusalakusalam va tam janatiti gunagunavidu. Katannuti annehi katagunam janatiti katannu, ekadivasampi bhattadanadina katupakarassa rajjampi datum samatthatta katannu. Katavediti katam vindati anubhavati sampaticchatiti katavedi. Titthe yojeti panineti sabbasatte nibbanapavesanupaye kusalapathe magge dhammadesanaya yojeti sampayojeti patitthapetiti attho. Sesam uttanatthameva. Gamanavannana- gathanamattho theragathayam vuttoyevati. Kaludayittherapadanavannana nitthita. -------------- 549/137. 7. Abhayattherapadanavannana sattamapadane padumuttaro nama jinotiadikam ayasmato abhayattherassa apadanam. Ayampi purimajinavaresu katadhikaro tattha tattha bhave vivattupanissayani punnani upacinanto padumuttarassa bhagavato kale hamsavatinagare brahmanakule nibbatto. So vuddhimanvaya vedangaparago sakaparasamayakusalo ekadivasam satthu dhammadesanam sutva pasannamanaso bhagavantam gathahi thomesi. So tattha yavatayukam thatva punnani katva tato cuto devaloke nibbatto aparaparam sugatisuyeva samsaranto imasmim buddhuppade rajagahe bimbisararanno putto hutva nibbatti, abhayotvevassa namam karimsu. So vayappatto niganthehi saddhim vissasiko hutva caranto ekadivasam niganthena nataputtena satthu vadaropanatthaya pesito nipunapanham pucchitva nipunabyakaranam sutva pasanno satthu santike pabbajitva kammatthananurupam nanam pesetva nacirasseva arahattam papuni.The Pali Atthakatha in Roman Character Volume 50 Page 328. http://84000.org/tipitaka/read/attha_page.php?book=50&page=328&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=50&A=7047&modeTY=2&pagebreak=1 http://84000.org/tipitaka/atthapali/rm_line.php?B=50&A=7047&modeTY=2&pagebreak=1#p328
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]