อรรถกถาเล่มที่ ๕๐ ภาษาบาลี อักษรไทย
อป.อ.๒ (วิสุทฺธ.๒)
หน้าที่ ๓๓๐.

ตาว จตุพฺพิโธ:- สารกปฺโป วรกปฺโป มณฺฑกปฺโป ภทฺทกปฺโปติ. เตสุ ยสฺมึ
กปฺเป เอโก พุทฺโธ อุปฺปชฺชนฺติ, อยํ สารกปฺโป นาม. ยสฺมึ เทฺว วา ตโย
วา พุทฺธา อุปฺปชฺชนฺติ, อยํ วรกปฺโป นาม. ยสฺมึ จตฺตาโร พุทฺธา
อุปฺปชฺชนฺติ, อยํ มณฺฑกปฺโป นาม. ยสฺมึ ปญฺจ พุทฺธา อุปฺปชฺชนฺติ, อยํ
ภทฺทกปฺโป นาม. อญฺญตฺถ ปน:-
             "สารกปฺโป มณฺฑกปฺโป     สารมณฺฑกปฺโป ตถา
             วรกปฺโป ภทฺทกปฺโป       กปฺปา ปญฺจวิธา สิยุํ.
             เอโก เทฺว ตโย จตฺตาโร  ปญฺจ พุทฺธา ยถากฺกมํ
             เอเตสุ ปญฺจกปฺเปสุ       อุปฺปชฺชนฺติ วินายกา"ติ
เอวํ ปญฺจ กปฺปา วุตฺตา. เตสุ อยํ กปฺโป "กกุสนฺโธ โกณาคมโน กสฺสโป
โคตโม เมตฺเตยฺโย"ติ ปญฺจพุทฺธปฏิมณฺฑิตตฺตา ภทฺทกปฺโป นาม ชาโต.
     ตสฺมา อิมสฺมึ ภทฺทกปฺปมฺหิ กสฺสโป นายโก อุปฺปชฺชีติ สมฺพนฺโธ.
เสสํ อุตฺตานตฺถเมวาติ.
                  โลมสกงฺคิยตฺเถราปทานวณฺณนา นิฏฺฐิตา.
                          ------------
                 ๕๕๑/๑๓๙. ๙. วนวจฺฉตฺเถราปทานวณฺณนา
     นวมาปทาเน อิมมฺหิ ภทฺทเก กปฺเปติอาทิกํ อายสฺมโต วนวจฺฉตฺเถรสฺส
อปทานํ. อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว วิวฏฺฏูปนิสฺสยานิ
ปุญฺญานิ อุปจินนฺโต กสฺสปสฺส ภควโต กาเล กุลเคเห นิพฺพตฺโต วิญฺญุตํ
ปตฺวา สตฺถุ ธมฺมเทสนํ สุตฺวา สทฺธาชาโต ปพฺพชิตฺวา ปริสุทฺธํ พฺรหฺมจริยํ
จริตฺวา ตโต จุโต เทวโลเก นิพฺพตฺโต, ตโต จุโต อรญฺญายตเน ภิกฺขูนํ


เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๓๓๐.
http://84000.org/tipitaka/read/attha_page.php?book=50&page=330&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=50&A=7091&modeTY=2&pagebreak=1
http://84000.org/tipitaka/atthapali/th_line.php?B=50&A=7091&modeTY=2&pagebreak=1#p330