ATTHAKATHA Book 50 : PALI ROMAN
Apa.A.2 (visuddha.2)
Page 47.

Tattha matu upatthako ahunti 1- aham matapitunam upatthako bharako 2-
bandhumatinagare ahosinti sambandho.
     [108] Tamandhakarapihitati 3- mohandhakarena pihita chadita. Tividhaggihi
dayhareti 4- ragaggidosaggimohaggisankhatehi tihi aggihi dayhare dayhanti
sabbe sattati sambandho.
     [114] Attha hetu labhamahanti attha karanani sukhassa paccayabhutani
karanani labhami ahanti attho. Sesam suvinneyyamevati.
                  Tisaranagamaniyattherapadanavannana nitthita.
                         --------------
                26. 4. Pancasilasamadaniyattherapadanavannana
     nagare candavatiyatiadikam ayasmato pancasilasamadaniyattherassa apadanam.
Ayampi purimabuddhesu katadhikaro tattha tattha bhave vivattupanissayani punnani
upacinanto anomadassissa bhagavato kala ekasmim kule nibbatto purimabhave
katakusalakammanurupena daliddo hutva appannapanabhojano paresam bhatim katva
jivanto samsare adinavam natva pabbajitukamopi pabbajjam alabhamano
anomadassissa bhagavato savakassa nisabhattherassa santike panca sikkhapadani
samadiyi. Dighayukakale uppannatta vassasatahassani silam paripalesi. Tena kammena
so devamanussesu samsaranto imasmim buddhuppade vesaliyam mahabhogakule
nibbatto. Matapitaro silam samadiyante disva attano silam saritva vipassanam
vaddhetva arahattam patva pabbaji.
@Footnote: 1 pali. matuupatthanako aham.  2 i. sarano.
@3 pali. mahandhakarapihita.  4 pali. dayhare.


The Pali Atthakatha in Roman Character Volume 50 Page 47.
http://84000.org/tipitaka/read/attha_page.php?book=50&page=47&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=50&A=1025&modeTY=2&pagebreak=1
http://84000.org/tipitaka/atthapali/rm_line.php?B=50&A=1025&modeTY=2&pagebreak=1#p47