อรรถกถาเล่มที่ ๕๐ ภาษาบาลี อักษรไทย
อป.อ.๒ (วิสุทฺธ.๒)
หน้าที่ ๖๓.

นิพฺพตฺโต. ๑- กปฺปสตสหสฺสํ ทิพฺพสมฺปตฺตึ อนุภวิตฺวา มนุสฺเสสุ มนุสฺสสมฺปตฺตึ
อนุภวิตฺวา ๑- อิมสฺมึ พุทฺธุปฺปาเท เอกสฺมึ กุลเคเห นิพฺพตฺโต. ตสฺส มาตาปิตโร
โสมนสฺสํ วฑฺเฒนฺโต สุชาโต อาคโตติ สาคโตติ นามํ กรึสุ. โส สาสเน
ปสีทิตฺวา ปพฺพชิตฺวา วิปสฺสนํ วฑฺเฒตฺวา อรหตฺตํ ปตฺโต.
     [๑๗] เอวํ โส ปุญฺสมฺภารานุรูเปน ๒- อรหตฺตผลํ ปตฺวา เอตทคฺคฏฺานํ
ปตฺโต ๒- อตฺตโน ปุพฺพกมฺมํ สริตฺวา โสมนสฺสชาโต ปุพฺพจริตาปทานํ
ปกาเสนฺโต โสภิโต นาม นาเมนาตฺยาทิมาห. ตตฺถ ตทา ปุญฺสมฺภารสฺส
ปริปูรณสมเย นาเมน โสภิโต นาม พฺราหฺมโณ อโหสินฺติ สมฺพนฺโธ.
     [๒๑] วิปถา อุทฺธริตฺวานาติ วิรุทฺธปถา กุมคฺคา, อุปฺปถา วา อุทฺธริตฺวา
ปถํ อาจิกฺขเส ตุวนฺติ ภนฺเต สพฺพญฺุ ตุวํ ปถํ สปฺปุริสมคฺคํ
นิพฺพานาธิคมนุปายํ อาจิกฺขเส กเถสิ เทเสสิ วิวริ ๓- วิภชิ อุตฺตานํ อกาสีติ
อตฺโถ. เสสํ อุตฺตานเมวาติ.
                    สาคตตฺเถราปทานวณฺณนา นิฏฺิตา.
                          ------------
                  ๓๕. ๓. มหากจฺจานตฺเถราปทานวณฺณนา
     ปทุมุตฺตรนาถสฺสาตฺยาทิกํ อายสฺมโต มหากจฺจานตฺเถรสฺส อปทานํ.
อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว วิวฏฺฏูปนิสฺสยานิ ปุญฺานิ
อุปจินนฺโต ปทุมุตฺตรสฺส ภควโต กาเล คหปติมหาสาลกุลเคเห นิพฺพตฺติตฺวา
วุทฺธิปฺปตฺโต เอกทิวสํ สตฺถุ สนฺติเก ธมฺมํ สุณนฺโต สตฺถารา สงฺขิตฺเตน
ภาสิตสฺส วิตฺถาเรน อตฺถํ วิภชนฺตานํ อคฺคฏฺาเน ปิยมานํ เอกํ ภิกฺขุํ ทิสฺวา
@เชิงอรรถ: ๑-๑ ฉ.ม. กปฺปสตสหสฺสเทวมนุสฺเสสุ อุภยสมฺปตฺติโย อนุภวิตฺวา.
@๒-๒ ฉ.ม. ปตฺตอรหตฺตผโล.  ๓ ฉ.ม. อยํ ปาโ น ทิสฺสติ.


เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๖๓.
http://84000.org/tipitaka/read/attha_page.php?book=50&page=63&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=50&A=1382&pagebreak=1
http://84000.org/tipitaka/atthapali/th_line.php?B=50&A=1382&pagebreak=1#p63