อรรถกถาเล่มที่ ๕๑ ภาษาบาลี อักษรไทย
พุทฺธ.อ. (มธุรตฺถ.)
หน้าที่ ๒๕๑.

ตาเปตฺวาติ อคฺคิ วิย ตปฺเปตฺวา. อยเมว วา ปาโฐ, อุปาทานกฺขยา ภควา
ปรินิพฺพุโตติ อตฺโถ. เสสคาถาสุ สพฺพตฺถ อุตฺตานเมวาติ.
                      โสภิตพุทฺธวํสวณฺณนา นิฏฺฐิตา
                       นิฏฺฐิโต ฉฏฺโฐ พุทฺธวํโส.
                           -----------
                      ๙. อโนมทสฺสีพุทฺธวํสวณฺณนา
     โสภิตพุทฺเธ ปน ปรินิพฺพุเต ตสฺส อปรภาเค เอกมสงฺเขฺยยฺยํ
พุทฺธุปฺปาทรหิตํ อโหสิ, อตีเต ปน ตสฺมึ อสงฺเขฺยยฺเย เอกสฺมึ กปฺเป ตโย
พุทฺธา นิพฺพตฺตึสุ อโนมทสฺสี ปทุโม นารโทติ. ตตฺถ อโนมทสฺสี ภควา
โสฬส อสงฺเขฺยยฺยานิ กปฺปสตสหสฺสญฺจ ปารมิโย ปูเรตฺวา ตุสิตปุเร นิพฺพตฺติตฺวา
เทเวหิ อภิยาจิโต ตโต จวิตฺวา จนฺทวติยํ นาม ราชธานิยํ ยสวานามสฺส
รญฺโญ กุเล สมุสฺสิตจารุปโยธราย ยโสธราย นาม อคฺคมเหสิยา กุจฺฉิสฺมึ
ปฏิสนฺธึ อคฺคเหสิ. อโนมทสฺสิกุมาเร กิร ยโสธราย เทวิยา กุจฺฉิคเต ตสฺส
ปุญฺญปฺปภาเวน ปภา อสีติหตฺถปฺปมาณํ ฐานํ ผริตฺวา อฏฺฐาสิ. จนฺทสูริยปฺปภาหิ
อนภิภวนียาว อโหสิ. สา ทสนฺนํ มาสานํ อจฺจเยน โพธิสตฺตํ สุจนฺทนุยฺยาเน ๑-
วิชายิ. ปฏิหาริยานิ เหฏฺฐา วุตฺตนยาเนว.
     นามคฺคหณทิวเสน ปนสฺส นามํ คณฺหนฺตา, ยสฺมา ชาติยํ อากาสโต
สตฺต รตนานิ ปตึสุ, ตสฺมา อโนมานํ รตนานํ อุปฺปตฺติเหตุภูตตฺตา
"อโนมทสฺสี"ติ นามมกํสุ. โส อนุกฺกเมน วุทฺธิปฺปตฺโต ทิพฺเพหิ กามคุเณหิ
ปริจาริยมาโน ทสวสฺสสหสฺสานิ อคารํ อชฺฌาวสิ. ตสฺส กิร สิริ อุปสิริ
@เชิงอรรถ: ๑ สี.,อิ. สุนนฺทุยฺยาเน


เนื้อความอรรถกถาฉบับภาษาบาลี อักษรไทย เล่มที่ ๕๑ หน้าที่ ๒๕๑.
http://84000.org/tipitaka/read/attha_page.php?book=51&page=251&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=51&A=5588&modeTY=2&pagebreak=1
http://84000.org/tipitaka/atthapali/th_line.php?B=51&A=5588&modeTY=2&pagebreak=1#p251