อรรถกถาเล่มที่ ๕๑ ภาษาบาลี อักษรไทย
พุทฺธ.อ. (มธุรตฺถ.)
หน้าที่ ๓๗๘.

                    สุเขน โกณาคมโน คตาสโว
                    วิกามปาณาคมโน มเหสี
                    วเน วิเวเก สิรินามเธยฺเย
                    วิสุทฺธวํสาคมโน วสิตฺถ.
เสสคาถาสุ สพฺพตฺถ ปากฏเมวาติ.
                    โกณาคมนพุทฺธวํสวณฺณนา นิฏฺฐิตา.
                      นิฏฺฐิโต เตวีสติโม พุทฺธวํโส.
                         ---------------
                       ๒๖. กสฺสปพุทฺธวํสวณฺณนา
     โกณาคมนสฺส ปน ภควโต อปรภาเค ตสฺส สาสเน จ อนฺตรหิเต
ตึสวสฺสสหสฺสายุกา สตฺตา อนุปุพฺเพน ปริหายิตฺวา ทสวสฺสายุกา หุตฺวา ปุน
วฑฺฒิตฺวา อปริมิตายุกา หุตฺวา ปุน อนุปุพฺเพน ปริหายิตฺวา วีสติวสฺส-
สหสฺสายุเกสุ สตฺเตสุ ชาเตสุ อเนกมนุสฺสโป กสฺสโป นาม สตฺถา โลเก
อุทปาทิ. โส ปารมิโย ปูเรตฺวา ตุสิตปุเร นิพฺพตฺติตฺวา ตโต จวิตฺวา
พาราณสีนคเร พฺรหฺมทตฺตสฺส นาม พฺราหฺมณสฺส วิปุลคุณวติยา ธนวติยา
นาม พฺราหฺมณิยา กุจฺฉิสฺมึ ปฏิสนฺธึ คเหตฺวา ทสนฺนํ มาสานํ อจฺจเยน
อิสิปตเน มิคทาเย มาตุกุจฺฉิโต นิกฺขมิ. โคตฺตวเสน ปนสฺส "กสฺสปกุมาโร"ติ
นามมกํสุ. โส เทฺว วสฺสสหสฺสานิ อคารํ อชฺฌาวสิ. หํสวา ยสวา สิรินนฺโทติ
ตสฺส ตโย ปาสาทา อเหสุํ. สุนนฺทานามพฺราหฺมณิปฺปมุขานิ อฏฺฐจตฺตาลีส
อิตฺถิสหสฺสานิ ปจฺจุปฏฺฐิตานิ อเหสุํ.
     โส จตฺตาริ นิมิตฺตานิ ทิสฺวา สุนนฺทาย พฺราหฺมณิยา วิชิตเสเน
นาม ปุตฺเต อุปฺปนฺเน อุปฺปนฺนสํเวโค "มหาภินิกฺขมนํ นิกฺขมิสฺสามี"ติ


เนื้อความอรรถกถาฉบับภาษาบาลี อักษรไทย เล่มที่ ๕๑ หน้าที่ ๓๗๘.
http://84000.org/tipitaka/read/attha_page.php?book=51&page=378&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=51&A=8367&modeTY=2&pagebreak=1
http://84000.org/tipitaka/atthapali/th_line.php?B=51&A=8367&modeTY=2&pagebreak=1#p378