บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๕๒ ภาษาบาลี อักษรไทย จริยา.อ. (ปรมตฺถที.) หน้าที่ ๑๓๙.
พนฺธิตุํ อาคตปุริสานํ สมตฺโถปิ สมาโน สนฺตาสนมตฺเตนปิ ๑- เตสํ ปีฬนา ภวิสฺสติ, มยฺหญฺจ สีลสฺส ขณฺฑาทิภาโวติ ตถา อกตฺวา สุทนฺเตน โอปวโยฺห วิย สุเขเนว คหณูปคมนํ, มาตรํ วินา น กิญฺจิ อชฺโฌหริสฺสามีติ สตฺตาหมฺปิ อนาหารตา, อิมินาปาหํ พนฺธาปิโตติ จิตฺตํ อนุปฺปาเทตฺวา ราชานํ เมตฺตาย ผรณํ, ตสฺส จ นานานเยหิ ธมฺมเทสนาติ เอวมาทโย อิธ มหาปุริสสฺส คุณานุภาวา วิภาเวตพฺพา ๒- เตน วุตฺตํ:- "เอวํ อจฺฉริยา เอเต อพฺภุตา จ มเหสิโน ฯเปฯ ปเควานุกิริยา เตสํ ธมฺมสฺส อนุธมฺมโต"ติ มาตุโปสกจริยาวณฺณนา นิฏฺฐิตา. ----------------- ๒. ภูริทตฺตจริยาวณฺณนา [๑๑] "ปุนาปรํ ยทา โหมิ ภูริทตฺโต มหิทฺธิโก วิรูปกฺเขน มหารญฺญา เทวโลกมคจฺฉหนฺ"ติ. ๓- #[๑๑] ทุติเย ภูริทตฺโตติ ภูริสมทตฺโต. ทตฺโตติ หิ ตทา โพธิสตฺตสฺส มาตาปิตูหิ กตํ นามํ, ยสฺมา ปเนโส นาคภวเน วิรูปกฺขมหาราชภวเน ตาวตึสภวเน จ อุปฺปนฺเน ปเญฺห สมฺมเทว วินิจฺฉินาติ, เอกทิวสญฺจ วิรูปกฺขมหาราเช นาคปริสาย สทฺธึ ติทสปุรํ คนฺตฺวา สกฺกํ ปริวาเรตฺวา นิสินฺเน เทวานมนฺตเร ปโญฺห สมุฏฺฐาสิ. ตํ โกจิ กเถตุํ นาสกฺขิ. สกฺเกน ปน อนุญฺญาโต ปลฺลงฺกวรคโต หุตฺวา มหาสตฺโตว กเถสิ. อถ นํ เทวราชา ทิพฺพคนฺธปุปฺเผหิ ปูเชตฺวา "ทตฺต ตฺวํ ปฐวิสมาย วิปุลาย @เชิงอรรถ: ๑ สี. สนฺตาปนมตฺเตนาปิ ๒ สี. เวทิตพฺพา ๓ ขุ.จริยา. ๓๓/๑๑/๖๐๑เนื้อความอรรถกถาฉบับภาษาบาลี อักษรไทย เล่มที่ ๕๒ หน้าที่ ๑๓๙. http://84000.org/tipitaka/read/attha_page.php?book=52&page=139&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=52&A=3038&modeTY=2&pagebreak=1 http://84000.org/tipitaka/atthapali/th_line.php?B=52&A=3038&modeTY=2&pagebreak=1#p139
จบการแสดงผล หน้าที่ ๑๓๙.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]