ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๕๒ ภาษาบาลี อักษรไทย จริยา.อ. (ปรมตฺถที.)

หน้าที่ ๒๓๒.

     ตสฺส เสสปารมินิทฺธารณา อานุภาววิภาวนา จ เหฏฺฐา วุตฺตนเยเนว
เวทิตพฺพาติ.
                      อโยฆรจริยาวณฺณนา นิฏฺฐิตา.
                           ----------
                        ๔. ภิสจริยาวณฺณนา ๑-
       [๓๔] ปุนาปรํ ยทา โหมิ        กาสีนํ ปุรวรุตฺตเม
            ภคินี จ ภาตโร สตฺต      นิพฺพตฺตา โสตฺถิเย ๒- กุเลติ.
    #[๓๔] จตุตฺเถ ยทา โหมิ, กาสีนํ ปุรวรุตฺตเมติ "กาสี"ติ พหุวจนวเสน
ลทฺธโวหารสฺส รฏฺฐสฺส นครวเร พาราณสิยํ ยสฺมึ กาเล ชาตสํวฑฺโฒ หุตฺวา
วสามีติ อตฺโถ. ภคินี จ ภาตโร สตฺต, นิพฺพตฺตา โสตฺถิเย กุเลติ อุปกญฺจนาทโย
ฉ อหญฺจาติ ภาตโร สตฺต สพฺพกนิฏฺฐา กญฺจนเทวี นาม ภคินี จาติ สพฺเพ มยํ
อฏฺฐ ชนา มนฺตชฺเฌนนิรตตาย โสตฺถิเย อุทิโตทิเต มหติ พฺราหฺมณกุเล ตทา
นิพฺพตฺตา ชาตาติ อตฺโถ.
     [๓๕] โพธิสตฺโต หิ ตทา พาราณสิยํ อสีติโกฏิวิภวสฺส พฺราหฺมณมหาสาลสฺส
ปุตฺโต หุตฺวา นิพฺพตฺติ, ตสฺส "กญฺจนกุมาโร"ติ นามํ กรึสุ. อถสฺส ปทสา
วิจรณกาเล อปโร ปุตฺโต วิชายิ, "อุปกญฺจนกุมาโร"ติสฺส นามํ กรึสุ. ตโต
ปฏฺฐาย มหาสตฺตํ "มหากญฺจนกุมาโร"ติ สมุทาจรนฺติ. เอวํ ปฏิปาฏิยา สตฺต
ปุตฺตา อเหสุํ. สพฺพกนิฏฺฐา ปน เอกา ธีตา, ตสฺสา "กญฺจนเทวี"ติ นามํ กรึสุ.
มหาสตฺโต วยปฺปตฺโต ตกฺกสิลํ คนฺตฺวา สพฺพสิปฺปานิ อุคฺคเหตฺวา ปจฺจาคญฺฉิ.
     อถ นํ มาตาปิตโร ฆราวาเสน พนฺธิตุกามา "อตฺตโน สมานชาติกุลโต เต
ทาริกํ อาเนสฺสามา"ติ วทึสุ. โส "อมฺม ตาต น มยฺหํ ฆราวาเสน อตฺโถ, มยฺหญฺหิ
สพฺโพ โลกสนฺนิวาโส อาทิตฺโต วิย สปฺปฏิภโย, พนฺธนาคารํ วิย ปลิพุทฺธนํ,
@เชิงอรรถ:  สี. มหากญฺจนจริยา   ฉ.ม. โสตฺติเย, เอวมุปริปิ



เนื้อความอรรถกถาฉบับภาษาบาลี อักษรไทย เล่มที่ ๕๒ หน้าที่ ๒๓๒. http://84000.org/tipitaka/read/attha_page.php?book=52&page=232&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=52&A=5123&modeTY=2&pagebreak=1 http://84000.org/tipitaka/atthapali/th_line.php?B=52&A=5123&modeTY=2&pagebreak=1#p232


จบการแสดงผล หน้าที่ ๒๓๒.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]