Kumbhilanam 1- hi aharam upadaya moranam aharo sukhumo. Kumbhila kira pasane
gilanti, te ca nesam kucchippatta viliyanti. Mora sappavicchikadipane khadanti.
Moranam pana aharam upadaya taracchanam aharo sukhumo. Te kira tivassachadditani
visanani ceva atthini ca khadanti, tani ca nesam khelena temitamattaneva
kandamulam viya mudukani honti. Taracchanampi aharam upadaya hatthinam aharo
sukhumo, te hi nanarukkhasakhadayo khadanti. Hatthinam aharato gavayagokannamigadinam
aharo sukhumo, te kira nissarani nanarukkhapannadini khadanti. Tesampi
aharato gunnam aharo sukhumo, te allasukkhatinani khadanti. Tesam aharato
sasanam aharo sukhumo. Sasanam aharato sakunanam aharo sukhumo. Sakunanam
aharato paccantavasinam 2- aharo sukhumo. Paccantavasinam aharato gamabhojakanam
aharo sukhumo. Gamabhojakanam aharato rajarajamahamattanam aharo sukhumo.
Tesampi aharato cakkavattino aharo sukhumo. Cakkavattino aharato bhummanam
devanam aharo sukhumo. Bhummanam devanam aharato catummaharajikanam 3-
aharo sukhumo. Evam yava paranimmitavasavattinam aharo vittharetabbo. Tesam
panaharo sukhumotveva nittham patto.
Lakkhanaditopi ojalakkhano kabalinkaro aharo, rupaharanaraso,
upatthambhanapaccupatthano, kabalam katva aharitabbavatthupadatthanoti veditabbo.
[646] Noupadaniddese yatha upadarupam upadiyateva, na annena
upadiyati, evametam na upadiyatevati noupada.
[647-650] Phusitabbanti photthabbam, phusitva janitabbanti attho.
Photthabbanca tam ayatanancati photthabbayatanam. Apo ca tam nissattasunnatasabhavatthena
dhatu cati apodhatu. Idani yasma tini rupani phusitva janitabbani,
@Footnote: 1 cha. kumbhilananhi 2 Ma. paccantagamavasinam 3 cha.Ma. catumaharajikanam
The Pali Atthakatha in Roman Character Volume 53 Page 390.
http://84000.org/tipitaka/read/attha_page.php?book=53&page=390&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=53&A=9716&modeTY=2&pagebreak=1
http://84000.org/tipitaka/atthapali/rm_line.php?B=53&A=9716&modeTY=2&pagebreak=1#p390
