romanATTHA book 54 Page 324.

Natthiti vipakavaro na gahitoti. Sammappadhanani panettha nibbattitalokuttaraneva kathitaniti veditabbani. Abhidhammabhajaniyavannana nitthita. ------------------- 3. Panhapucchakavannana [427] Panhapucchake palianusareneva sammappadhananam kusaladibhavo veditabbo. Arammanattikesu pana sabbanipi etani appamanam nibbanam arabbha pavattito appamanarammananeva, na maggarammanani. Sahajatahetuvasena pana maggahetukani, vimamsam jetthakam katva maggabhavanakale maggadhipatini, chandacittajetthikaya maggabhavanaya na vattabbani maggadhipatiniti. Viriyajetthikaya pana annassa viriyassa abhava na vattabbani maggadhipatiniti va na maggadhipatiniti va. Atitadisu ekarammanabhavenapi na vattabbani. Nibbanassa pana bahiddhadhammatta bahiddharammanani nama hontiti evametasmim panhapucchake nibbattitalokuttaraneva sammappadhanani kathitani. Sammasambuddhena hi suttantabhajaniyasmimyeva lokiyalokuttaramissaka sammappadhana kathita. Abhidhammabhajaniya- panhapucchakesu pana lokuttarayevati evamayam sammappadhanavibhangopi teparivattam niharitvava bhajetva dassitoti. Panhapucchakavannana nitthita. Sammohavinodaniya vibhangatthakathaya sammappadhanavibhangavannana nitthita. -----------

The Pali Atthakatha in Roman Character Volume 54 Page 324. http://84000.org/tipitaka/read/attha_page.php?book=54&page=324&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=54&A=7696&modeTY=2&pagebreak=1 http://84000.org/tipitaka/atthapali/rm_line.php?B=54&A=7696&modeTY=2&pagebreak=1#p324