อรรถกถาเล่มที่ ๕๔ หน้าที่ ๓๔๐.

นยา ปเนตฺถ คเณตพฺพา. สตฺตนฺนมฺปิ หิ โพชฺฌงฺคานํ เอกโต ปุจฺฉิตฺวา วิสฺสชฺชเน เอเกกมคฺเค นยสหสฺสํ นยสหสฺสนฺติ จตฺตาริ นยสหสฺสานิ วิภตฺตานิ. ปาฏิเยกฺกํ ปุจฺฉิตฺวา วิสฺสชฺชเน เอเกกโพชฺฌงฺควเสน จตฺตาริ จตฺตารีติ สตฺต จตุกฺกา อฏฺฐวีสติ. ตานิ ปุริเมหิ จตูหิ สทฺธึ ทฺวตฺตึสาติ สพฺพานิปิ อภิธมฺมภาชนีเย ทฺวตฺตึส นยสหสฺสานิ วิภตฺตานิ กุสลาเนว. ยสฺมา ปน ผลกฺขเณปิ โพชฺฌงฺคา ลพฺภนฺติ, กุสลเหตุกานิ จ สามญฺญผลานิ, ตสฺมา เตสุปิ โพชฺฌงฺคทสฺสนตฺถํ กุสลนิทฺเทสปุพฺพงฺคมายเอว ตนฺติยา วิปากนโย อารทฺโธ. โสปิ เอกโต ปุจฺฉิตฺวา วิสฺสชฺชนสฺส จ ปาฏิเยกฺกํ ปุจฺฉิตฺวา วิสฺสชฺชนสฺส จ วเสน ทุวิโธ โหติ. เสสเมตฺถ เหฏฺฐา วุตฺตนเยเนว เวทิตพฺพํ. วิปาเก ปน กุสลโต ติคุณา นยา กาตพฺพาติ. อภิธมฺมภาชนียวณฺณนา นิฏฺฐิตา. -------------- ๓. ปญฺหาปุจฺฉกวณฺณนา [๔๘๒] ปญฺหาปุจฺฉเก ปาลิอนุสาเรเนว โพชฺฌงฺคานํ กุสลาทิภาโว เวทิตพฺโพ. อารมฺมณตฺติเกสุ ปน สพฺเพปิ เต อปฺปมาณํ นิพฺพานํ อารพฺภ ปวตฺติโต อปฺปมาณารมฺมณาเอว, น มคฺคารมฺมณา. สหชาตเหตุวเสน ปเนตฺถ กุสลา มคฺคเหตุกา, วิริยํ วา วีมํสํ วา เชฏฺฐกํ กตฺวา มคฺคภาวนากาเล มคฺคาธิปติโน, ฉนฺทจิตฺตเชฏฺฐิกาย มคฺคภาวนาย น วตฺตพฺพา มคฺคาธิปติโนติ, ผลกาเลปิ น วตฺตพฺพาเอว. อตีตาทีสุ เอการมฺมณภาเวปิ ^๑- น วตฺตพฺพา, นิพฺพานสฺส ปน พหิทฺธาธมฺมตฺตา พหิทฺธารมฺมณา นาม โหนฺตีติ เอวเมตสฺมึ ปญฺหาปุจฺฉเกปิ @เชิงอรรถ: ^๑ ฉ.ม.....ภาเวนปิ

เนื้อความอรรถกถาฉบับภาษาบาลี อักษรไทย เล่มที่ ๕๔ หน้าที่ ๓๔๐. http://84000.org/tipitaka/read/attha_page.php?book=54&page=340&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=54&A=8061&modeTY=2&pagebreak=1 http://84000.org/tipitaka/atthapali/th_line.php?B=54&A=8061&modeTY=2&pagebreak=1#p340