อรรถกถาเล่มที่ ๕๔ หน้าที่ ๔๑๒.

สมาทิยนฺเตนปิ ปาฏิเยกฺกํ ปาฏิเยกฺกํ สมาทิยนฺเตนปิ สมาทินฺนาเนว โหนฺติ. ปโยคโต สพฺพานิปิ สาหตฺถิกปโยคาเนวาติ เวทิตพฺพานิ. [๗๑๒] อิทานิ ยาสํ สิกฺขานํ โกฏฺฐาสภาเวน อิมานิ ปญฺจ สิกฺขาปทานิ วุตฺตานิ, ตานิ ทสฺเสตุํ กตเม ธมฺมา สิกฺขาติ อยํ สิกฺขาวาโร อารทฺโธ. ตตฺถ ยสฺมา สพฺเพปิ จตุภูมิกา กุสลา ธมฺมา สิกฺขิตพฺพภาวโต สิกฺขา, ตสฺมา เต ทสฺเสตุํ ยสฺมึ สมเย กามาวจรนฺติอาทิ วุตฺตํ. ตตฺถ เหฏฺฐา จิตฺตุปฺปาทกณฺเฑ ^๑- วุตฺตนเยเนว ปาลึ วิตฺถาเรตฺวา อตฺโถ เวทิตพฺโพ, อิธ ปน มุขมตฺตเมว ทสฺสิตนฺติ. อภิธมฺมภาชนียวณฺณนา นิฏฺฐิตา. ------------- ๒. ปญฺหาปุจฺฉกวณฺณนา [๗๑๔] ปญฺหาปุจฺฉเก ปาลินยานุสาเรเนว สิกฺขาปทานํ กุสลาทิภาโว เวทิตพฺโพ. อารมฺมณตฺติเกสุ ปน ยานิ สิกฺขาปทานิ เอตฺถ สตฺตารมฺมณานีติ วุตฺตานิ, ตานิ ยสฺมา สตฺโตติ สงฺขคเต สงฺขาเรเยว อารมฺมณํ กโรนฺติ, ยสฺมา จ สพฺพานิปิ เอตานิ สมฺปตฺตวิรติวเสเนว นิทฺทิฏฺฐานิ, ตสฺมา "ปริตฺตารมฺมณา"ติ จ "ปจฺจุปฺปนฺนารมฺมณา"ติ จ วุตฺตํ. ยโต ปน วิรมติ, ตสฺส วตฺถุโน อจฺจนฺตพหิทฺธตฺตา สพฺเพสมฺปิ พหิทฺธารมฺมณตา เวทิตพฺพาติ. ปญฺหาปุจฺฉกวณฺณนา นิฏฺฐิตา. อิมสฺมึ ปน สิกฺขาปทวิภงฺเค สมฺมาสมฺพุทฺเธน อภิธมฺมภาชนีเยปิ ปญฺหาปุจฺฉเกปิ โลกิยาเนว สิกฺขาปทานิ กถิตานิ. อุโภปิ หิ เอเต นยา โลกิยตฺตา เอกปริจฺเฉทาเอว. เอวมยํ สิกฺขาปทวิภงฺโค เทฺวปริวฏฺฏํ นีหริตฺวาว ภาเชตฺวา ทสฺสิโตติ. สมฺโมหวิโนทนิยา วิภงฺคฏฺฐกถาย สิกฺขาปทวิภงฺควณฺณนา นิฏฺฐิตา. ---------------- @เชิงอรรถ: ^๑ อภิ. ๓๔/๑/๒๑

เนื้อความอรรถกถาฉบับภาษาบาลี อักษรไทย เล่มที่ ๕๔ หน้าที่ ๔๑๒. http://84000.org/tipitaka/read/attha_page.php?book=54&page=412&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=54&A=9733&modeTY=2&pagebreak=1 http://84000.org/tipitaka/atthapali/th_line.php?B=54&A=9733&modeTY=2&pagebreak=1#p412