อรรถกถาเล่มที่ ๕๔ หน้าที่ ๕๐๑.

ชานนฺโต "ปฏิปาฏิยา สตฺต ญาณานิ สวิตกฺกสวิจารานี"ติ วกฺขติ, ตโต "ปรานิ เทฺว ญาณานิ อวิตกฺกาวิจารานี"ติ วกฺขติ, "อาสวกฺขยญาณํ สิยา สวิตกฺกสวิจารํ, สิยา อวิตกฺกวิจารมตฺตํ, สิยา อวิตกฺกาวิจารนฺ"ติ วกฺขติ. ตถา "ปฏิปาฏิยา สตฺต กามาวจรานิ, ตโต เทฺว รูปาวจรานิ, อวสาเน เอกํ โลกุตฺตรนฺ"ติ วกฺขติ, "สพฺพญฺญุตญฺญาณํ ปน สวิตกฺกสวิจารเมว กามาวจรเมว โลกิยเมวา"ติ วกฺขติ. อิติ อญฺญเทว ทสพลญาณํ, อญฺญํ สพฺพญฺญุตญฺญาณนฺติ. สมฺโมหวิโนทนิยา วิภงฺคฏฺฐกถาย ญาณวิภงฺควณฺณนา นิฏฺฐิตา. ---------------

เนื้อความอรรถกถาฉบับภาษาบาลี อักษรไทย เล่มที่ ๕๔ หน้าที่ ๕๐๑. http://84000.org/tipitaka/read/attha_page.php?book=54&page=501&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=54&A=11807&modeTY=2&pagebreak=1 http://84000.org/tipitaka/atthapali/th_line.php?B=54&A=11807&modeTY=2&pagebreak=1#p501