บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Panca.A. (paramatthadi.) Page 136.
[7-10] Idani tasseva patinnaya 1- dhammena samena attano vade jayam dassetum anulomanaye puccha sakavadissa, attano laddhim nissaya patinna paravadissa. Laddhiya okasam adatva paramatthavasena puna anuyogo sakavadissa, paramatthavasena puggalassa abhavato patikkhepo paravadissa. Tato param dhammena samena attano jayadassanattham ajanahi patikammantiadi sabbam sakavadivacanameva hoti. Tattha sabbesam patikammaniggahopanayananiggamacatukkanam hettha vuttanayeneva attho veditabbo. Evamidam puggalo nupalabbhatitiadikassa paccanikapancakassa upalabbhatiti- adinam patikammaniggahopanayananiggamacatukkananca vasena paccanikanulomapancakam nama niddittham hoti. Evametani pathamasacchikatthe dve pancakani nidditthani. Tattha purimapancake paravadissa sakavadina kato niggaho suniggaho, sakavadissa pana paravadina chalavadam nissaya patikammam katva attana sadhito jayo dujjayo. Dutiyapancake sakavadissa paravadina kato niggaho dunniggaho, paravadissa pana sakavadina dhammavadam nissaya patikammam tatthetam vuccati:- "niggaho paravadissa suddho pathamapancake asuddho pana tasseva patikammajayo tahim. Niggaho sakavadissa asuddho dutiyapancake visuddho pana tasseva patikammajayo tahim. Tasma dvisupi thanesu jayova sakavadino dhammena hi jayo nama adhammena kuto jayo. Sacchikatthe yatha cettha pancakadvayamandite dhammadhammavaseneva vutto jayaparajayo. Ito paresu sabbesu sacchikatthesu pandito evameva vibhaveyya ubho jayaparajaye"ti. @Footnote: 1 cha.Ma. "tasseva patinnaya"ti patho na dissatiThe Pali Atthakatha in Roman Character Volume 55 Page 136. http://84000.org/tipitaka/read/attha_page.php?book=55&page=136&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=3033&modeTY=2&pagebreak=1 http://84000.org/tipitaka/atthapali/rm_line.php?B=55&A=3033&modeTY=2&pagebreak=1#p136
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]