2. Okasasacchikattha
1. Anulomapaccanikavannana
[11] Evam suddhikasacchikattham vittharetva idani tameva aparehi
okasadihi nayehi vittharetum puna puggalo upalabbhatitiadi araddham. Tattha puccha
sakavadissa, patinna paravadissa. Puna sabbatthati sariram sandhaya anuyogo
sakavadissa, rupasmim attanam samanupassanadosanca annam jivam annam sariranti
apajjanadosanca disva patikkhepo paravadissa. Sesamettha anulomapaccanikapancake
hettha vuttanayeneva veditabbam. Patho pana sankhitto. Tattha yasma sariram
sandhaya "sabbattha nupalabbhati"ti vutte sarirato bahi upalabbhati"ti apajjati,
tasma paccanike patikkhepo sakavadissa, pathamam anujanitva paccha avajanatiti
chalavadavasena 1- patikammam paravadissa. Sesam pakatameva.
3. Kalasacchikattha
1. Anulomapaccanikavannana
[12] Dutiyanaye sabbadati purimapacchimajatikalanca dharamanaparinibbutakalanca
sandhaya anuyogo sakavadissa, sveva khattiyo so brahmanotiadinam
apattidosanca dharamanaparinibbutanam visesabhavadosanca disva patikkhepo
paravadissa. Sesam pathamanaye vuttasadisameva.
4. Avayavasacchikatatha
1. Anulomapaccanikavannana
[13] Tatiyanaye sabbesuti khandhayatanadini sandhaya anuyogo sakavadissa,
rupasmim atta, cakkhusmim attatiadidosabhayena patikkhepo paravadissa. Sesam
tadisamevati.
@Footnote: 1 cha.Ma. chalavadassa vasena
The Pali Atthakatha in Roman Character Volume 55 Page 137.
http://84000.org/tipitaka/read/attha_page.php?book=55&page=137&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=3057&modeTY=2&pagebreak=1
http://84000.org/tipitaka/atthapali/rm_line.php?B=55&A=3057&modeTY=2&pagebreak=1#p137
