อรรถกถาเล่มที่ ๕๕ หน้าที่ ๑๔๘.

สรีรนฺติ เอติสฺสา หิ ลทฺธิยา ปญฺจปิ ขนฺธา สรีรนฺติ อธิปฺเปตา. ปรวาที สุตฺตวิโรธา ปฏิกฺขิปติ. [๙๒] อรูโปติอาทีสุ ปเม ปเญฺห อนฺตราภวํ สนฺธาย ปฏิกฺขิปติ. ทุติเย อรูปา รูปํ ^๑- อุปปชฺชมานํ สนฺธาย ปฏิชานาติ. อญฺ ชีวนฺติ ยํ รูปสงฺขาตํ สรีรํ ปหาย อรูโป สนฺธาวติ, กินฺเต ตํ สรีรํ อญฺ, อญฺ ชีวนฺติ ปุจฺฉติ. อิตโร สุตฺตวิโรธา ปฏิกฺขิปติ. อเวทโนติอาทีสุ สญฺีภวํ สนฺธาย ปฏิกฺขิปติ, ตทญฺ อุปปตฺติภาวํ ^๒- สนฺธาย ปฏิชานาติ. อญฺ ชีวนฺติ ยํ เวทนาทิสงฺขาตํ ^๓- สรีรํ ปหาย อเวทโน อวิญฺาโณ สนฺธาวติ, กินฺเต ตํ อญฺ สรีรํ, อญฺ ชีวนฺติ ปุจฺฉติ. อิตโร สุตฺตวิโรธา ปฏิกฺขิปติ. [๙๓] รูปํ สนฺธาวตีติอาทีสุ เย รูปาทโย ขนฺเธ อุปาทาย ปุคฺคลํ ปญฺเปติ, กินฺเต ตสฺมึ ปุคฺคเล สนฺธาวนฺเต ตมฺปิ รูปํ สนฺธาวตีติ ปุจฺฉติ. ปรวาที "อวิชฺชานีวรณานํ สตฺตานํ ตณฺหาสญฺโชนานํ สนฺธาวตํ สํสรตนฺ"ติ สตฺตสฺเสว สนฺธาวนโต ^๔- ปฏิกฺขิปติ. ปุน ปุฏฺโ ยสฺมา รูปาทิธมฺเม วินา ปุคฺคโล นตฺถิ, ตสฺมา ตสฺมึ สนฺธาวนฺเต เตนปิ รูเปน สนฺธาวิตพฺพนฺติ สญฺาย ปฏิชานาติ. เวทนาทีสุปิ เอเสว นโย. [๙๔] รูปํ น สนฺธาวตีติอาทีสุ ยสฺมา เต รูปํ ปุคฺคโล น โหติ, เสฺวว จ สนฺธาวตีติ วเทสิ, ตสฺมา ตํ ปุจฺฉามิ, กินฺเต รูปํ น สนฺธาวตีติ อตฺโถ. อิตโร ปุคฺคเลน สนฺธาวนฺเตน ^๕- น สกฺกา ตสฺส อุปาทานภูเตน รูเปน สนฺธาวิตุนฺติ สญฺาย ปฏิกฺขิปติ. ปุน ปุฏฺโ สตฺตานญฺเจว ^๖- สนฺธาวนโต ปฏิชานาติ. เสสเมตฺถ อุตฺตานเมว. @เชิงอรรถ: ^๑ สี.,ม. อารุปฺปา อารุปฺปํ ^๒ ฉ.ม. อุปปตฺตึ ^๓ สี.,ม. เวทนาสงฺขาตํ @^๔ ฉ.ม. สนฺธาวนวจนโต. เอวมุปริปิ ^๕ ฉ.ม. ปุคฺคเล สนฺธาวนฺเต @^๖ ฉ.ม. สตฺตานญฺเว

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๑๔๘. http://84000.org/tipitaka/read/attha_page.php?book=55&page=148&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=3306&pagebreak=1 http://84000.org/tipitaka/atthapali/th_line.php?B=55&A=3306&pagebreak=1#p148