บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Pañca.A. (paramatthadī.) Page 157.
[211] Añño puggaloti pañhepi saṅkhatehi khandhehi aññattaṃ anicchanto paṭikkhepo tasseva. [212] Khandhā saṅkhatātiādi saṅkhatāsaṅkhatāni sarūpena dassetvā aññattapucchanatthaṃ vuttaṃ. [213] Rūpaṃ saṅkhatantiādi khandhe vibhāgato dassetvā aññattapucchanatthaṃ vuttaṃ. [214] Puggalassa uppādoti pucchā sakavādissa, "jātidhammā jarādhammā, atho maraṇadhammino"tiādīsu vuttavasena 1- paṭiññā paravādissa. Saṅkhatabhāvaṃ panassa so na icchati, tasmā paṭikkhipati. [215] Puna na uppādo paññāyatītiādinā nayena puṭṭho "dukkhameva hi sambhoti, dukkhaṃ tiṭṭhati veti cā"tiādivacanato 2- puggalassa uppādādayo nāma na yujjantīti paṭijānāti. [216] Atthatthamhīti atthaṃ vuccati nibbānaṃ, tattha atthīti pucchati. Tassa atthitāya sassataṃ, natthitāya ucchedo āpajjati. Tadubhayampi anicchanto pacchā paṭikkhipati. Ñātakānuyogādivaṇṇanā niṭṭhitā. ----------- 19. Paṭivedhānuyogādivaṇṇanā [217] Bhavaṃ nissāya pañhe bhavanti upapattibhavaṃ. [218] Vedanaṃ vediyamānapañhe vedanaṃ vediyamāno pariggahitavedano yogāvacarova pajānāti, bālaputhujjano nappajānāti. @Footnote: 1 cha.Ma......ādisuttavasena 2 saṃ.sa. 15/171/163The Pali Atthakatha in Roman Character Volume 55 Page 157. http://84000.org/tipitaka/read/attha_page.php?book=55&page=157&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=3511&pagebreak=1 http://84000.org/tipitaka/atthapali/rm_line.php?B=55&A=3511&pagebreak=1#p157
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]