บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Pañca.A. (paramatthadī.) Page 168.
Pahīyantīti pucchā sakavādissa, rūpāvacaramaggaṃ sandhāya paṭiññā itarassa. Rūpāvacaramaggena hi so idhavihāyaniṭṭho nāma jāto. Anāgāmī puggalo katakaraṇīyoti pañhe "opapātiko tattha parinibbāyī"ti vacanato upapattiyāvassa katakaraṇīyādibhāvaṃ sandhāya paṭijānāti. Arahāti pañhe idha parinibbāyino arahato vaseneva paṭikkhipati, puna puṭṭho tattha parinibbāyino vasena paṭijānāti. Atthi arahato punabbhavotiādīsupi tatthaparinibbāyīidhaparinibbāyīnaṃ vaseneva attho veditabbo. Appaṭividdhākuppova tattha parinibbāyatīti puṭṭho idheva bhāvitena maggena arahattassa 1- akuppapaṭivedhaṃ icchanto paṭikkhipati. Yathā migoti paṭhamaṃ udāharaṇaṃ paravādissa, dutiyaṃ sakavādissa. Sesaṃ sabbattha uttānatthamevāti. Brahmacariyakathā niṭṭhitā. ---------- 3. Odhisokathāvaṇṇanā [274] Idāni odhisokathā nāma hoti. Tattha ye sotāpannādīnaṃ nānābhisamayavasena dukkhadassanādīhi odhiso odhiso ekadesena ekadesena kilesappahānaṃ icchanti seyyathāpi etarahi samitiyādayo, tesaṃ taṃ laddhiṃ bhindituṃ odhisoti pucchā sakavādissa, paṭiññā paravādissa. Puna anuyogo sakavādissa, ekadesena sotāpannādibhāvassa abhāvato paṭikkhepo paravādissa. Iminā upāyena sabbavāresu 2- attho veditabboti. Odhisokathāvaṇṇanā niṭṭhitā. ---------- @Footnote: 1 cha.Ma. tassa 2 Ma. sabbaṭṭhānesuThe Pali Atthakatha in Roman Character Volume 55 Page 168. http://84000.org/tipitaka/read/attha_page.php?book=55&page=168&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=3758&pagebreak=1 http://84000.org/tipitaka/atthapali/rm_line.php?B=55&A=3758&pagebreak=1#p168
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]