บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Panca.A. (paramatthadi.) Page 181.
Seva natthiti aha. Itaro teneva sabhavena atthitam teneva natthitam sandhaya patikkhipati. Dutiyam puttho sakabhaveneva atthitam parabhaveneva natthitam sandhaya patijanati. Tato param atthattho natthatthoti atthi sakabhavo natthi sakabhavo 1- nama hotiti pucchati. Iminava upayena sabbavaresu attho veditabbo. Pariyosane pana "tena hi atitam hevatthi, heva natthi"ti ca "tena hi rupam hevatthi, heva natthi"ti catiadini vatva kincapi paravadina laddhi patitthapita, ayoniso patitthapitatta panesa appatitthapitayevati. Hevatthitikathavannana nitthita. Pathamo mahavaggo samatto. ----------- 2. Dutiyavagga 1. Parupaharakathavannana 2- [307] Idani parupaharakatha nama hoti. Tattha ye arahattam patijanantanam appatte pattasanninam adhimanikanam kuhakanam va arahattam patijanantanam asucisukkavisatthim 3- disva "marakayika devata arahato asucim upasamharanti"ti mannanti seyyathapi etarahi pubbaseliya ca aparaseliya ca, te sandhaya 4- atthi arahato asucisukkavisatthiti puccha 4- sakavadissa, patinna itarassa. Idani yasma sukkavisatthi nama ragasamutthana hoti, tasma atthi arahato ragoti anuyogo araddho. So sabbopi uttanatthoyeva. Marakayika devata attanotiadipanhe yasma tasam devatanam sukkavisatthi nama natthi, annesampi sukkam gahetva na upasamharanti, arahato pana sukkameva natthi, tasma na hevanti patikkhipati. @Footnote: 1 cha.Ma. atthisabhavo natthisabhavo 2 cha.Ma. parupaharavannana @3 cha.Ma. sukkavissatthim 4-4 cha.Ma. atthi arahatoti pucchaThe Pali Atthakatha in Roman Character Volume 55 Page 181. http://84000.org/tipitaka/read/attha_page.php?book=55&page=181&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=4058&modeTY=2&pagebreak=1 http://84000.org/tipitaka/atthapali/rm_line.php?B=55&A=4058&modeTY=2&pagebreak=1#p181
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]