ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๕๕ ภาษาบาลี อักษรไทย ปญฺจ.อ. (ปรมตฺถที.)

หน้าที่ ๑๘๔.

เจว ปฏิกฺขิปติ จ. โลกุตฺตรํ ปฐมชฺฌานํ สมาปนฺโน ทุกฺขํ ทุกฺขนฺติ วิปสฺสตีติ
หิสฺส ลทฺธิ.
     [๓๒๘] ญาณนฺติ โลกุตฺตรํ จตุสจฺจญาณํ. โสตนฺติ โสตวิญฺญาณํ อธิปฺเปตํ,
เยน ตํ สทฺทํ สุณาติ. ทฺวินฺนํ ผสฺสานนฺติ โสตสมฺผสฺสมโนสมฺผสฺสานํ.
     [๓๒๙] โน วต เร วตฺตพฺเพติ ยทิ อวิเสเสน ยงฺกิญฺจิ สมาปนฺนสฺส
นตฺถิ วจีเภโท, น อวิเสเสน วตฺตพฺพํ "สมาปนฺนสฺส อตฺถิ วจีเภโท"ติ.
เสสเมตฺถ อุตฺตานตฺถเมว สทฺธึ สุตฺตสาธนาย. ยมฺปเนตํ ๑- "สิขิสฺส อานนฺท
ภควโต"ติ ปริโยสาเน สุตฺตํ อาภตํ, ตตฺถ เยน สมาปตฺติจิตฺเตน โส วจีเภโท
สมุฏฺฐิโต, กายเภโทปิ เตน สมุฏฺฐาติเยว, น จ ตํ โลกุตฺตรํ ปฐมชฺฌานจิตฺตํ,
ตสฺมา อสาธกนฺติ.
                      วจีเภทกถาวณฺณนา นิฏฺฐิตา.
                           -----------
                       ๖. ทุกฺขาหารกถาวณฺณนา
     [๓๓๔] อิทานิ ทุกฺขาหารกถา นาม โหติ. ตตฺถ "ทุกฺขํ ทุกฺขนฺติ วาจํ
ภาสนฺโต ทุกฺเข ญาณํ อาหรติ, ตํ ทุกฺขาหาโร นาม วุจฺจติ, ตญฺจ ปเนตํ
มคฺคงฺคํ มคฺคปริยาปนฺนนฺ"ติ เยสํ ลทฺธิ เสยฺยถาปิ เอตรหิ ปุพฺพเสลิยานํ, เต
สนฺธาย ทุกฺขาหาโรติ ปุจฺฉา สกวาทิสฺส, ปฏิญฺญา อิตรสฺส. ๒- เย เกจีติ
ปฐมปเญฺห อวิปสฺสเก สนฺธาย ปฏิกฺขิปติ. ทุติยปเญฺหปิ วิปสฺสเก สนฺธาย
ปฏิชานาติ, ตํ ปนสฺส ลทฺธิมตฺตเมว, ตสฺมา "สพฺเพ เต"ติ วาทสฺส ภินฺทนตฺถํ
พาลปุถุชฺชนาติอาทิมาห. ตํ อุตฺตานตฺถเมวาติ.
                     ทุกฺขาหารกถาวณฺณนา นิฏฺฐิตา.
                          -------------
@เชิงอรรถ:  ฉ.ม. ยํ ปเนเตน     ฉ.ม. ปรวาทิสฺส



เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๑๘๔. http://84000.org/tipitaka/read/attha_page.php?book=55&page=184&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=4127&modeTY=2&pagebreak=1 http://84000.org/tipitaka/atthapali/th_line.php?B=55&A=4127&modeTY=2&pagebreak=1#p184


จบการแสดงผล หน้าที่ ๑๘๔.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]