อรรถกถาเล่มที่ ๕๕ หน้าที่ ๑๘๙.

อตฺถิ ทฺวินฺนํ นิพฺพานานนฺติอาทีสุ ปุจฺฉาสุ อุจฺจนีจตาทีนิ อปสฺสนฺโต ปฏิกฺขิปติ. อปฺปฏิสงฺขานิรุทฺเธติ เย ปฏิสงฺขาย โลกุตฺตเรน าเณน อนิรุทฺธา สุทฺธปกติกตฺตา วา อุทฺเทสปริปุจฺฉาทีนํ วา วเสน น สมุทาจรณโต นิรุทฺธาติ วุจฺจนฺติ, เต สงฺขาเร. ปฏิสงฺขา นิโรเธนฺตีติ โลกุตฺตราเณน นิโรเธนฺติ อนุปฺปตฺติภาวํ คเมนฺติ. นนุ อปฺปฏิสงฺขานิรุทฺธา สงฺขาราติ ปุจฺฉา ปรวาทิสฺส. ^๑- ตตฺถ ภคฺคานํ ปุน ภญฺชนโต ^๒- อปฺปฏิสงฺขานิรุทฺธานํ วา อริยมคฺเค อุปฺปนฺเน ตถา นิรุชฺฌนโตว สกวาที อจฺจนฺตภคฺคตํ ปฏิชานาติ. เสสเมตฺถ อุตฺตานตฺถเมวาติ. นิโรธกถาวณฺณนา นิฏฺิตา. ทุติโย วคฺโค สมตฺโต. ---------- ๓. ตติยวคฺค ๑. พลกถาวณฺณนา [๓๕๔] อิทานิ พลกถา นาม โหติ. ตตฺถ เยสํ อนุรุทฺธสํยุตฺเต "อิเมสญฺจ ปนาหํ อาวุโส จตุนฺนํ สติปฏฺานานํ ภาวิตตฺตา พหุลีกตตฺตา านญฺจ านโต อฏฺานญฺจ อฏฺานโต ยถาภูตํ ปชานามี"ติอาทีนิ ^๓- ทส สุตฺตานิ อโยนิโส คเหตฺวา "ตถาคตพลํ สาวกสาธารณนฺ"ติ ลทฺธิ เสยฺยถาปิ เอตรหิ อนฺธกานํ, เต สนฺธาย ปุจฺฉา สกวาทิสฺส, ลทฺธิยํ ตฺวา ปฏิญฺา ปรวาทิสฺส. ตถาคตพลญฺจ นาเมตํ สาวเกหิ สาธารณมฺปิ อตฺถิ อสาธารณมฺปิ สาธารณาสาธารณมฺปิ. ตตฺถ อาสวานํ ขเย าณํ สาธารณํ, อินฺทฺริยปโรปริยตฺติาณํ อสาธารณํ, เสสํ สาธารณญฺจ อสาธารณญฺจ. านาานาทีนิ หิ สาวกา ปเทเสน ชานนฺติ, ตถาคตา นิปฺปเทเสน. อิติ ตานิ อุทฺเทสโต สาธารณานิ, น นิทฺเทสโต. อยมฺปน อวิเสเสน สพฺพมฺปิ @เชิงอรรถ: ^๑ สี. สกวาทิสฺส ^๒ ฉ.ม. อภญฺชนโต ^๓ สํ.ม. ๑๙/๙๑๓/๒๖๔

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๑๘๙. http://84000.org/tipitaka/read/attha_page.php?book=55&page=189&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=4240&pagebreak=1 http://84000.org/tipitaka/atthapali/th_line.php?B=55&A=4240&pagebreak=1#p189