บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Panca.A. (paramatthadi.) Page 189.
Atthi dvinnam nibbananantiadisu pucchasu uccanicatadini apassanto patikkhipati. Appatisankhaniruddheti ye patisankhaya lokuttarena nanena aniruddha suddhapakatikatta va uddesaparipucchadinam va vasena na samudacaranato niruddhati vuccanti, te sankhare. Patisankha nirodhentiti lokuttarananena nirodhenti anuppattibhavam gamenti. Nanu appatisankhaniruddha sankharati puccha paravadissa. 1- Tattha bhagganam puna bhanjanato 2- appatisankhaniruddhanam va ariyamagge uppanne tatha nirujjhanatova sakavadi accantabhaggatam patijanati. Sesamettha uttanatthamevati. Nirodhakathavannana nitthita. Dutiyo vaggo samatto. ---------- 3. Tatiyavagga 1. Balakathavannana [354] Idani balakatha nama hoti. Tattha yesam anuruddhasamyutte "imesanca panaham avuso catunnam satipatthananam bhavitatta bahulikatatta thananca thanato atthananca atthanato yathabhutam pajanami"tiadini 3- dasa suttani ayoniso gahetva "tathagatabalam savakasadharanan"ti laddhi seyyathapi etarahi andhakanam, te sandhaya puccha sakavadissa, laddhiyam thatva patinna paravadissa. Tathagatabalanca nametam savakehi sadharanampi atthi asadharanampi sadharanasadharanampi. Tattha asavanam khaye nanam sadharanam, indriyaparopariyattinanam asadharanam, sesam sadharananca asadharananca. Thanathanadini hi savaka padesena jananti, tathagata nippadesena. Iti tani uddesato sadharanani, na niddesato. Ayampana avisesena sabbampi @Footnote: 1 Si. sakavadissa 2 cha.Ma. abhanjanato 3 sam.Ma. 19/913/264The Pali Atthakatha in Roman Character Volume 55 Page 189. http://84000.org/tipitaka/read/attha_page.php?book=55&page=189&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=4240&modeTY=2&pagebreak=1 http://84000.org/tipitaka/atthapali/rm_line.php?B=55&A=4240&modeTY=2&pagebreak=1#p189
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]