บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Panca.A. (paramatthadi.) Page 193.
Te sandhaya saraganti puccha sakavadissa, patinna itarassa. Tato ragasahagatantiadina nayena puttho tam 1- maggakkhane cittam vimuccati nama, tada ca evarupam cittam natthiti patikkhipati. Saphassantiadina nayena putthopi yatha phasso ca cittanca ubho ragato vimuccanti, evam ragassa vimuttim apassamano patikkhipati. Sadosadisvapi iminava upayena attho veditabboti. 2- Vimuttikathavannana nitthita. ----------- 4. Vimuccamanakathavannana [366] Idani vimuccamanakatha nama hoti. Tattha yesam "jhanena vikkhambhanavimuttiya vimuttam cittam, 3- maggakkhane samucchedavimuttiya vimuccamanam nama hoti"ti laddhi, te sandhaya vimuttam vimuccamananti puccha sakavadissa, patinna itarassa. Puna ekadesanti puccha sakavadissa. Tattha ekadesanti bhavanapumsakam. Yatha vimuttam ekadesena va ekadese va avimuttam hoti, kim evam ekadesam vimuttam, ekadesam avimuttanti pucchati. Kimkarana evam pucchatiti. "vimuttam vimuccamanan"ti vippakatabhavena vuttatta. Yatha hi kariyamana katadayo vippakatatta ekadesena kata ekadesena akata honti, tatha idampi ekadesam vimuttam ekadesam avimuttanti apajjati. Tato paravadi katadinam viya cittassa ekadesabhava pathamapanhe patikkhipitva dutiye vimuccamanassa aparinitthitavimuttitaya patijanati. Lokiyajjhanakkhanam va sandhaya patikkhipati. Na hi tam tada samucchedavimuttiya vimuccamanam. Lokuttarajjhanakkhanam sandhaya patijanati. Tanhi tada @Footnote: 1 cha.Ma. ayam patho na dissati 2 cha.Ma. veditabbo 3 cha.Ma. ayam patho na dissatiThe Pali Atthakatha in Roman Character Volume 55 Page 193. http://84000.org/tipitaka/read/attha_page.php?book=55&page=193&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=4330&modeTY=2&pagebreak=1 http://84000.org/tipitaka/atthapali/rm_line.php?B=55&A=4330&modeTY=2&pagebreak=1#p193
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]