ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
 Page
 Display
page(s)
chage to ROMAN letter
ATTHAKATHA Book 55 : PALI ROMAN Panca.A. (paramatthadi.)

Page 195.

Avimuttam, vippayuttam vimuttam. Vimuccamanam namati paramatthato tatiya koti
natthiti.
                     Vimuccamanakathavannana nitthita.
                          ------------
                        5. Atthamakakathavannana
     [368] Idani atthamakakatha nama hoti. Tattha yesam anulomagotrabhumaggakkhane
kilesanam samudacarabhavato atthamakassa sotapattimaggatthapuggalassa
dve pariyutthana pahinati laddhi seyyathapi etarahi andhakananceva samitiyananca,
tesam annataram sandhaya puccha sakavadissa. Maggakkhanato patthaya ditthiya
anuppattim sandhaya patinna itarassa. Tato yasma ditthi namesa sotapannassa
pahina, na maggatthassa, tasma atthamako puggalo sotapannoti anuyogo
sakavadissa. Vicikicchapanhepi eseva nayo. Anusayapanhe pariyutthanato anno
anusayoti tesam laddhi, tasma "na hevan"ti patikkhittam.
     Silabbataparamasapanhepi silabbataparamasapariyutthananti voharam na passati,
tasma patikkhipati. Pariyutthanamevassa pahinanti laddhi.
     [369] Maggo bhavitoti panhe tasmim khane bhaveti, na bhavito.
Tasma patikkhipati. Amaggenatiadianuyoge pathamamaggeneva pahinabhavam 1- sandhaya
patikkhipati. Yadi hi amaggena pahiyyetha, gotrabhupuggaladinampi 2- pahiyyethati
3- tassa laddhi. 3- Uppajjissatiti puccha paravadissa, vissajjanam sakavadissa.
Sesam sabbattha uttanatthamevati.
                      Atthamakakathavannana nitthita.
                           ----------
@Footnote: 1 Si.,Ma. pahanabhavam   2 Ma. gotrabhupuggalanampi  3-3 cha.Ma. apajjanato



The Pali Atthakatha in Roman Character Volume 55 Page 195. http://84000.org/tipitaka/read/attha_page.php?book=55&page=195&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=4376&modeTY=2&pagebreak=1 http://84000.org/tipitaka/atthapali/rm_line.php?B=55&A=4376&modeTY=2&pagebreak=1#p195


บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]