romanATTHA book 55 Page 196.

6. Atthamakassa indriyakathavannana [371] Idani atthamakassa indriyakatha nama hoti. Tattha yesam "atthamako puggalo ^1- maggakkhane indriyani patilabhati nama, no cassa patiladdhani honti"ti laddhi seyyathapi etarahi andhakanam, te sandhaya natthi saddhindriyanti puccha sakavadissa, patinna itarassa, natthi saddhati puttho pana saddhindriyato saddhaya nanattam sallakkhetva patikkhipati. Sesesupi eseva nayo. Yatha pana yassa atthi mano, tassa manindriyampi atthi, evam yassa saddhadayo atthi, tassa atthi saddhindriyadinipiti dipanattham atthi mano atthi manindriyantiadi araddham. Tam sabbam uttanatthameva saddhim suttasadhanenati. Atthamakassa indriyakathavannana nitthita. ------------ 7. Dibbacakkhukathavannana [373] Idani dibbacakkhukatha nama hoti. Tattha yesam catutthajjhana- dhammupatthaddham mamsacakkhumeva dibbacakkhu nama hotiti laddhi seyyathapi etarahi andhakananceva samitiyananca, te sandhaya mamsacakkhunti puccha sakavadissa, patinna itarassa. Puna "mamsacakkhum dibbacakkhum, dibbacakkhum mamsacakkhun"ti ^2- puttho tammattameva tam na hotiti patikkhipati. Yadisantiadipucchasupi ubhinnam ekasabhavabhaveneva patikkhipati. Visayotiadisupi ^3- ubhinnampi rupayatanameva visayo, mamsacakkhu pana apathagatameva ^4- passati, itaram anapathagatam ^5- tiropabbatadigatampi. Dibbacakkhussa @Footnote: ¹ cha.Ma. ayam patho na dissati ² cha.Ma. mamsacakkhu dibbacakkhu, dibbacakkhu mamsacakkhuti @³ cha.Ma. pi-saddo na dissati ⁴ Si. apatagatameva ⁵ Si. anapatagatam

The Pali Atthakatha in Roman Character Volume 55 Page 196. http://84000.org/tipitaka/read/attha_page.php?book=55&page=196&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=4399&modeTY=2&pagebreak=1 http://84000.org/tipitaka/atthapali/rm_line.php?B=55&A=4399&modeTY=2&pagebreak=1#p196