บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Panca.A. (paramatthadi.) Page 198.
8. Dibbasotakathavannana [375] Idani dibbasotakatha nama hoti. Tattha ekamyeva sotanti puttho dvinnam atthitaya patikkhipati. Puna puttho yasma tadeva dhammupatthaddham dibbasotam nama hoti, tasma patijanati. Sesam hettha vuttanayamevati. Dibbasotakathavannana nitthita. ------------ 9. Yathakammupagatananakathavannana [377] Idani yathakammupagatananakatha nama hoti. Tattha yesam "iti dibbena cakkhuna visuddhena .pe. Yathakammupage satte pajanati"ti 1- suttam ayoniso gahetva yathakammupagananameva dibbacakkhunti laddhi, te sandhaya puccha sakavadissa, patinna itarassa. Puna yathakammupagatanca manasi karotiti puttho ekacittassa arammanadvayabhava patikkhipati. Dutiyam puttho nanacittavasena patijanati. Puna lesokasam adatva dvinnam phassananti puttho patikkhipati. Iti yatha imina yathakammupagatapadena, evameva ime vata bhonto sattatiadipadehipi saddhim yojanasu attho veditabbo. [378] Ayasma sariputto yathakammupagatam nanam janatiti idam sakavadi yasma thero appicchataya abhinnananani na valanjetiti ekacce na jananti, tani panassa neva atthiti mannanti, tasma tam "dibbacakkhuno alabhi thero"ti mannamanam pucchati. Teneva karanena "atthayasmato sariputtassa dibbacakkhu"ti parato puttho patikkhipati. Dutiyam puttho yankinci savakena pattabbam, sabbantam therena anuppattanti patijanati. Idanissa vikkhepam karonto sakavadi nanu ayasma @Footnote: 1 di.Si. 9/246/83, khu.pati. 31/257/169 (sya)The Pali Atthakatha in Roman Character Volume 55 Page 198. http://84000.org/tipitaka/read/attha_page.php?book=55&page=198&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=4444&modeTY=2&pagebreak=1 http://84000.org/tipitaka/atthapali/rm_line.php?B=55&A=4444&modeTY=2&pagebreak=1#p198
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]