อรรถกถาเล่มที่ ๕๕ หน้าที่ ๒๐๐.

ปฏิกฺเขโป สกวาทิสฺส. น เหวนฺติ วจนมตฺตํ คเหตฺวา ลทฺธิปติฏฺฐาปนํ ปรวาทิสฺส. เอวํ ปติฏฺฐิตา ปน ลทฺธิ อปฺปติฏฺฐิตาว โหตีติ. สํวรกถาวณฺณนา นิฏฺฐิตา. ----------- ๑๑. อสญฺญกถาวณฺณนา [๓๘๑] อิทานิ อสญฺญกถา นาม โหติ. ตตฺถ เยสํ "สงฺขารปจฺจยา วิญฺญาณนฺ"ติ วจนโต วินา วิญฺญาเณน ปฏิสนฺธิ นาม นตฺถิ. "สญฺญุปฺปาทา จ ปน เต เทวา ตมฺหา กายา ปวตฺตนฺตี"ติ ^๑- วจนโต อสญฺญสตฺตานมฺปิ จุติปฏิสนฺธิกฺขเณ สญฺญา อตฺถีติ ลทฺธิ เสยฺยถาปิ เอตรหิ อนฺธกานํ, เต สนฺธาย ปุจฺฉา สกวาทิสฺส, ปฏิญฺญา อิตรสฺส. ตโต นํ สกวาที "กินฺเต ตํ ฐานํ สญฺญาภโว"ติอาทีหิ โจเทตุํ สญฺญาภโว สญฺญาคตีติอาทิมาห. ตํ สพฺพํ ตโต ปรญฺจ ปาลินเยเนว เวทิตพฺพนฺติ. อสญฺญกถาวณฺณนา นิฏฺฐิตา. ---------- ๑๒. เนวสญฺญานาสญฺญายตนกถาวณฺณนา [๓๘๔] อิทานิ เนวสญฺญานาสญฺญายตนกถา นาม โหติ. ตตฺถ เยสํ "เนวสญฺญานาสญฺญายตนนฺ"ติ วจนโต น วตฺตพฺพํ "ตสฺมึ ภเว สญฺญา อตฺถี"ติ ลทฺธิ เสยฺยถาปิ เอตรหิ อนฺธกานํ, เต สนฺธาย ปุจฺฉา สกวาทิสฺส, ปฏิญฺญา อิตรสฺส. เสสเมตฺถ สพฺพํ ปาลินเยเนว เวทิตพฺพนฺติ. เนวสญฺญานาสญฺญายตนกถาวณฺณนา นิฏฺฐิตา. ตติโย วคฺโค สมตฺโต. ----------- @เชิงอรรถ: ^๑ ฉ.ม. จวนฺตีติ

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๒๐๐. http://84000.org/tipitaka/read/attha_page.php?book=55&page=200&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=4487&modeTY=2&pagebreak=1 http://84000.org/tipitaka/atthapali/th_line.php?B=55&A=4487&modeTY=2&pagebreak=1#p200