บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Pañca.A. (paramatthadī.) Page 201.
4. Catutthavagga 1. Gihissaarahātikathāvaṇṇanā [387] Idāni gihissa arahātikathā nāma hoti. Tattha yesaṃ yasakulaputtādīnaṃ gihibyañjane ṭhitānaṃ arahattuppattiṃ 1- disvā "gihi assa arahā"ti laddhi seyyathāpi etarahi uttarāpathakānaṃ, te sandhāya pucchā sakavādissa. Tattha gihissāti yo gihisaññojanasampayuttatāya gihi, so arahaṃ assāti attho. Paravādī pana adhippāyaṃ asallakkhetvā gihibyañjanamattameva passanto paṭijānāti. Idānissa "gihi nāma gihisaññojanena hoti, na byañjanamattena. Yathāha bhagavā:- `alaṅkato cepi samaṃ careyya santo danto niyato brahmacārī sabbesu bhūtesu nidhāya daṇḍaṃ so brāhmaṇo so samaṇo sa bhikkhū"ti 2- imaṃ nayaṃ dassetuṃ atthi arahatotiādi āraddhaṃ. Taṃ sabbaṃ uttānatthamevāti. Gihissaarahātikathāvaṇṇanā niṭṭhitā. ---------- 2. Upapattikathāvaṇṇanā [388] Idāni upapattikathā nāma hoti. Tattha yesaṃ "opapātiko hoti tattha parinibbāyī"tiādīni 3- vacanāni ayoniso gahetvā suddhāvāsesu 4- upapanno saha upapattiyā arahā hotīti laddhi, 4- "yesaṃ vā 5- upahaccaparinibbāyī"ti padaṃ parivattetvā "upapajjaparinibbāyī"ti pariyāpuṇantānaṃ saha upapattiyā arahā @Footnote: 1 cha.Ma. arahattappattiṃ 2 khu.dha. 25/142/42 3 abhi. 36/35/123 @4-4 cha.Ma. upapattiyā arahāti laddhi 5 Sī.,Ma. ayaṃ saddo na dissatiThe Pali Atthakatha in Roman Character Volume 55 Page 201. http://84000.org/tipitaka/read/attha_page.php?book=55&page=201&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=4510&pagebreak=1 http://84000.org/tipitaka/atthapali/rm_line.php?B=55&A=4510&pagebreak=1#p201
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]