ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
 Page
 Display
page(s)
chage to ENGLISH letter
ATTHAKATHA Book 55 : PALI ROMAN Pañca.A. (paramatthadī.)

Page 202.

Hotīti laddhi seyyathāpi etarahi uttarāpathakānaṃ, te sandhāya pucchā sakavādissa,
paṭiññā itarassa, tattha yasmā upapatticittaṃ nāma lokiyaṃ, tena sotāpannādayopi
na honti, pageva arahā, tasmā tassa imaṃ nayaṃ dassetuṃ saha upapattiyā
sotāpannotiādi āraddhaṃ.
     [389] Sāriputtotiādi imesu mahātheresu ko ekopi saha upapattiyā
arahā nāmāti codanatthaṃ vuttaṃ.
     [390] Upapattesiyenāti paṭisandhicittena. Tañhi upapattiṃ esati gavesati,
tasmā upapattesiyanti vuccati. Sesamettha uttānatthamevāti.
                      Upapattikathāvaṇṇanā niṭṭhitā.
                           -----------
                        3. Anāsavakathāvaṇṇanā
     [391] Idāni anāsavakathā nāma hoti. Tattha ye dhammā anāsavassa
arahato, sabbe te anāsavāti yesaṃ laddhi seyyathāpi etarahi uttarāpathakānaṃ,
te sandhāya arahatoti pucchā sakavādissa, paṭiññā itarassa. Atha naṃ anāsavā
nāma maggādayo, kiṃ tassa teyeva uppajjantīti codanatthaṃ maggo phalantiādi
āraddhaṃ. Cakkhuṃ 1- anāsavanti puṭṭho tassa sāsavattā paṭikkhipati. Dutiyaṃ puṭṭho
anāsavassetanti paṭijānāti.
     [392] Cīvarapañhe ekova dhammo anāsavo ca sāsavo ca hotīti tassa 2-
lakkhaṇavirodhabhayā paṭikkhipati. Dutiyaṃ puṭṭho anāsavassa hutvā sāsavassa hotīti
paṭijānāti. Taññeva anāsavanti pañhadvayepi eseva nayo. Sakavādī pana
@Footnote: 1 cha.Ma. cakkhu  2 cha.Ma. ayaṃ pāṭho na dissati



The Pali Atthakatha in Roman Character Volume 55 Page 202. http://84000.org/tipitaka/read/attha_page.php?book=55&page=202&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=4532&pagebreak=1 http://84000.org/tipitaka/atthapali/rm_line.php?B=55&A=4532&pagebreak=1#p202


บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]