Hotiti laddhi seyyathapi etarahi uttarapathakanam, te sandhaya puccha sakavadissa,
patinna itarassa, tattha yasma upapatticittam nama lokiyam, tena sotapannadayopi
na honti, pageva araha, tasma tassa imam nayam dassetum saha upapattiya
sotapannotiadi araddham.
[389] Sariputtotiadi imesu mahatheresu ko ekopi saha upapattiya
araha namati codanattham vuttam.
[390] Upapattesiyenati patisandhicittena. Tanhi upapattim esati gavesati,
tasma upapattesiyanti vuccati. Sesamettha uttanatthamevati.
Upapattikathavannana nitthita.
-----------
3. Anasavakathavannana
[391] Idani anasavakatha nama hoti. Tattha ye dhamma anasavassa
arahato, sabbe te anasavati yesam laddhi seyyathapi etarahi uttarapathakanam,
te sandhaya arahatoti puccha sakavadissa, patinna itarassa. Atha nam anasava
nama maggadayo, kim tassa teyeva uppajjantiti codanattham maggo phalantiadi
araddham. Cakkhum 1- anasavanti puttho tassa sasavatta patikkhipati. Dutiyam puttho
anasavassetanti patijanati.
[392] Civarapanhe ekova dhammo anasavo ca sasavo ca hotiti tassa 2-
lakkhanavirodhabhaya patikkhipati. Dutiyam puttho anasavassa hutva sasavassa hotiti
patijanati. Tanneva anasavanti panhadvayepi eseva nayo. Sakavadi pana
@Footnote: 1 cha.Ma. cakkhu 2 cha.Ma. ayam patho na dissati
The Pali Atthakatha in Roman Character Volume 55 Page 202.
http://84000.org/tipitaka/read/attha_page.php?book=55&page=202&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=4532&modeTY=2&pagebreak=1
http://84000.org/tipitaka/atthapali/rm_line.php?B=55&A=4532&modeTY=2&pagebreak=1#p202
